កំពង់ចាម ៖ កាលពីថ្ងៃទី១៣ ខែមិថុនា ឆ្នាំ២០១៦ ភូមិឃុំព្រែកពោធិ៍ ស្រុកស្រីសន្ធរ ខេត្តកំពង់ចាម មានប្រជាពលរដ្ឋមួយចំនួនបានផ្តល់ព័ត៌មាន អោយជួយចាក់ផ្សាយអំពីករណីតំណាងអគ្គីសនីព្រែកពោធិ៍នេះថា គ្រាន់តែពួកគាត់បង់ប្រាក់យឺតតែកន្លះថ្ងៃ ក្នុងការបង់សេវ៉ា ភ្លើងតាមការកំណត់ បែរជាម្ចាស់ភ្លើងអគ្គីសនីព្រែកពោធិ៍បិទបារ៉ែតភ្លើងមិនអោយពួកគាត់ប្រើប្រាស់តែម្តង ដោយម្ចាស់អគ្គិសនីព្រែកពោធិ៍នេះកំណត់អោយផាកពិន័យចំពោះប្រជាជនទាំងនោះ បង់ផាកពិន័យចំនួនពីរម៉ឺនរៀល ទៅមួយម៉ឺនប្រាំពាន់រៀល ទើបបើបារ៉ែតភ្លើងអោយប្រជាជនប្រើប្រាស់វិញ ។
ប្រជាជនបានបន្តថា ពួកគាត់គ្មានជំរើសផ្សេងៗក្រៅពីបង្ខំចិត្តបង់ប្រាក់ផាកពិនយ័អោយទៅម្ចាស់អគ្គីសនី (២០០០០៛ទៅ១៥០០០៛) ដើម្បីបានប្រើប្រាស់ភ្លើងនោះវិញ ។
ប្រជាជនមួយចំនួនមានបន្តតាមតុកាហ្វេថា ទង្វើថៅកែភ្លើងធ្វើបែបនេះមិនខុសអីពីកំពុងប្រមាថដល់មន្ត្រីរាជការ អាជ្ញាភូមិឃុំ ស្រុក ខេត្ត កំពង់ចាមទាំងមូល ជាពិសេសសន្លឹកឆ្នោតគណបក្សប្រជាជនកម្ពុជា ហើយដោយអាងថា ខ្លួនថៅកែគ្រប់លក្ខណៈ តែកំពុងនិងប្រឆាំងច្បាប់ អាងបានប្រាក់ពីប្រជាជនហើយបំពានប្រជាជនវិញ។
ប្រភពខាងលើជាឯកសារចុះផ្សាយរួច បន្ទាប់មកក៏ថៅកែអគ្គីសនីព្រែកពោធិ៍បានតេតាមទូរសព្ទ័ហៅអ្នកកាសែតកោះពេជ ជាអ្នកទទួលពាក្យពីប្រភពប្រជាជនសូមសំណូមពរឲ្យជួយផ្សាយ ថែមមជ្ឃដ្ឋានទូរទស្សរ៍នាគពន្ធ័ NTV លោក កែវ សុផាត និងកាសែត ខ្មែរ៧មករា កម្ពុជាអភិវឌ្ឍន៍ ឆន្ទះខ្មែរ និង៥អង្គភាព នៅពេលមកដល់ បែរជាតំណាងម្ចាស់ភ្លើងនិយាយប្រមានថា មុននិងចុះផ្សាយអ្វីត្រូវមកសាកសួរគាត់សិន ។
ម្ចាស់អគ្គីសនីភ្លើងព្រែកពោធិ៍នេះបានបញ្ជាក់ធ្ងន់ៗថា ពូកគាត់សូមបដិសេធ មិនមានករណីដូចប្រជាពលរដ្ឋនិយាយចោទខាងលើនោះទេ បើសិនអ្នកប្រើភ្លើង ជាបុគ្គលដែលមិនបានស្តាប់កាណែនាំរបស់ក្រុមហ៊ុនអគ្គីសនីភ្លើងព្រែកត្រូវបានបិទបារ៉េត ភ្លើង ហើយបើអោយក្រុមហ៊ុនបើកដើម្បីប្រើប្រាស់វិញត្រូវបង់ អោយគ្រប់ចំនួនចាស់ និងផាកពិន័យសំរាប់សេវាបុគ្គលិកចាក់សាំងទៅបំរើការងារតភ្ជាប់ឡើងវិញ៕
ដោយ ៖ ហុក វិបុល
