ខេត្តរតនៈគីរី ៖ បើយោងតាមសំដីមតិហាជន ក៏ដូចប្រជាពលរដ្ឋ ដែលរស់នៅក្រុងបានលុងទាំងមូល បាននិយាយគ្រប់ៗគ្នាថា បើមានឧកញ៉ា ឬឯកឧត្តមមកពីឆ្ងាយជិត ឬនៅក្នុងខេត្តរតនៈគីរី ចង់សាងសង់វិឡាផ្ទះតូចធំគ្រប់ៗគ្រប់ប្រភេទ ឬដឹកជញ្ជួនទៅក្រៅស្រុក តែងតែទៅទិញឈើទៅទិញឈើពីផ្ទះរបស់លោក ងិន អូន នេះឯង ដែលមានលំនៅដ្ឋានភូមិទេសអង្លុងសង្កាត់បឹងកន្សែងក្រុងបានលុងខេត្តរតនះគីរី។
ហើយការតាំងដេប៉ូលក់ឈើរបស់លោក ងិន អូន ជាងដប់ឆ្នាំមកហើយ បើតាមការបញ្ជាក់ពីពលរដ្ឋថា ដេប៉ូលក់ឈើគ្រប់ប្រភេទនៅក្រុងបានលុងនេះ គឺដេប៉ូរបស់ប៉ូលិស៌សេដ្ឋកិច្ចខេត្ត ។
លោក ងិន អូន បានដាក់ពង្រាយកូនចៅស្ទើសឹងគ្រប់ស្រុក មានម៉ាស៊ីនត្រង់ន័ររណាយន្ដគោយន្ដកែឆ្នៃសម្រាប់ដឹកហើយយកមកអាជ្រៀកឈើយ៉ាងអានាធិបតេយ្យ គគ្រឹកគគ្រេង ជាពិសេសនៅចំណុចស្រុកកូនស្រុកកូនមុំ គឺលោក អូន បានដាក់ម៉ាស៊ីនត្រង់ន័ររាប់សិបគ្រឿង អារជ្រៀកឈើលឺសំឡេងយ៉ាងកងរំពងពេញព្រៃ គ្មានមន្ទ្រីជំនាញណាហ៊ានក្អកនោះឡើយ ។
ហើយក៍ដឹកមកដាក់តាំលក់នៅក្នុងខេត្ត់ឆៅៗតែម្ដង ដោយគ្មានច្បាប់អនុញ្ញាត ត្រឹមត្រូវពីជំនាញរដ្ឋបាលព្រៃឈើនោះទេ គ្រាន់តែគេចេះសែនព្រេនម្ចាស់ទឹកម្ចាស់ដីតែប៉ុណ្ណោះ ថែមទាំងយកតួនាទីនឹងអំណាចរបស់ខ្លូនដែលមានឥទ្ធិពលមកប្រើប្រាស់ទៀតផង។
នៅជុំវិញបញ្ហានេះ លោក ហ៊ុង វណ្ណារាន នាយផ្នែករដ្ឋាបាលព្រៃឈើក្រុងបានលុង មិនអាចសុំកាបន្លឺបានទេ ដោយទូរស័ព្ទខលចូលជាច្រើនដង គ្មានអ្នកទទូល៕
សន ចាន់ឌី
