ខេត្តសៀមរាប ៖ នៅព្រឹកថ្ងៃទី ១០ ខែ មិថុនា ឆ្នាំ២០១៦នេះ មន្ទីរសាធារណការនិង ដឹកជញ្ជូនខេត្តសៀមរាប ដែលដឹក នាំដោយលោកជួតច័ន្ទតារាអនុប្រធានមន្ទីរសាធារណការ និង ដឹកជញ្ជូនខេត្ត ទទួលបន្ទុកការងារសណ្តាប់ ធ្នាប់រួមនឹងមន្ត្រីជំនាញ បានចុះធ្វើការផ្សព្វផ្សាយសារាចរលេខ០០៧ សរ.សក របស់ក្រសួងសាធារណការនិង ដឹកជញ្ជូន ស្តីពីការគ្រប់គ្រងដីចំណីផ្លូវនៅតាមបណ្តាផ្លូវជាតិមានលេខមួយខ្ទង់និងពីរខ្ទង់ នៃព្រះរាជាណាចក្រកម្ពុជា ។
ក្នុងសកម្មភាពធ្វើការផ្សព្វផ្សាយខ្លឹមសារនៃសារាចរលេខ០០៧សរ.សកស្តីពីការពង្រឹកការគ្រប់គ្រង និង ការប្រើប្រាស់ដីចំណីផ្លូវ នៅក្នុងក្រុងសៀមរាបដែលត្រូវបានបងប្អូនយើងមួយចំនួន បានយកទៅប្រើប្រាស់មិន មានការអនុញ្ញាតច្បាប់ពីអាជ្ញាធរឬ អង្គភាពជំនាញ ដែលធ្វើឲ្យបង្កឲ្យនូវភាពអាណាធិបតេយ្យ នៅតាមដងផ្លូវ សាធារណៈបាត់នូវសណ្តាប់ធ្នាប់រៀបរយ ដោយបានយកដីចំណីផ្លូវ ដែលជាផ្លូវថ្មើរជើងធ្វើដំណើរទៅមកដាក់ ជាកន្លែងធ្វើអាជីវកម្ម ទៅតាមអំពើចិត្តរបស់ខ្លួនដែលបង្កធ្វើឲ្យមានការកកស្ទះចរាចរណ៍នៅតាមបណ្តោយផ្លូវ ជាតិលេខ៦សំខាន់នៅមុខផ្សារលើធំថ្មីនេះតែម្តង ។ម្យ៉ាងទៀតដោយខេត្តសៀមរាបដែលជាគោលដៅរបស់ ភ្ញៀវទេសចរណ៍លើពិភពលោកចូលមកទស្សនាកម្សាន្តផងនោះក៏បានធ្វើឲ្យប៉ះពាល់យ៉ាងខ្លាំងដល់ សោភណ្ឌ ភាព ក្រុងប្រវត្តិសាស្ត្រទៀតផង ។ដោយកត្តាទាំងនេះហើយដើម្បីឲ្យប្រជាពលរដ្ឋដែលប្រកបរបស់ នៅតាម ដងផ្លូវជាតិលេខ០៦ ត្រូវតែធ្វើការស្វែងយល់នូវសារាចរណែនាំនេះឲ្យបានស៊ីជម្រៅ ពីព្រោះថាប្រទេសជាតិមាន ច្បាប់ យើងធ្វើអ្វីៗក៏ត្រូវមានការអនុញ្ញាតច្បាប់ពីអាជ្ញាធរគ្រប់លំដាប់ថ្នាក់ផងដែរ ។
តាមការបញ្ជាក់របស់លោក ជួត ច័ន្ទតារា អនុប្រធានមន្ទីរសាធារណការ និង ដឹកជញ្ជូនខេត្ត ទទួល បន្ទុកការងារសណ្តាប់ធ្នាប់ខេត្តក៏បានធ្វើការបញ្ជាក់ឲ្យដឹងផងដែរថាតាមការណែនាំរបស់ទេសរដ្ឋមន្ត្រី រដ្ឋមន្ត្រីក្រសួងសាធារណការ និង ដឹកជញ្ជូនបានជម្រុញឲ្យគ្រប់មន្ទីរសាធារណការនឹងជញ្ជូនគ្រប់រាជធានី ខេត្ត ធ្វើការគ្រប់គ្រងឲ្យខានតែបាននូវដីចំណីផ្លូវ ដោយបានកំណត់ឲ្យដឹងផងដែរថា ចំពោះផ្លូវជាតិលេខមួយខ្ទង់ដីចំណីផ្លូវ ដោយទុកពីអ័ក្សផ្លូវមកដល់របងផ្ទះចម្ងាយ ៣០ម៉ែត្រចំពោះផ្លូវជាតិលេខពីរខ្ទង់ ដោយទុកចម្ងាយពីអ័ក្សផ្លូវ ប្រវែង ២៥ម៉ែតដែលជាដីរបស់រដ្ឋ មិនមែនរបស់បុគ្គលណាម្នាក់ឡើយ ។ លោកបន្តទៀតថា ទោះបីដីនៅតាម មុខផ្ទះបងប្អូនទោះជាប្រឡាយ ថ្លុក ត្រពាំង ក៏មិនអាចមានសិទ្ធិចាក់ដីលប់ឡើយលុះត្រាតែមានសុំច្បាប់ អនុញ្ញាតពីអាជ្ញាធរ មន្ទីរអង្គភាពជំនាញជាមុនសិនទើបអាចធ្វើបាន ។
លោកបានបន្តទៀតថា ជាក់ស្តែងដូចជា ការលក់ដូរនៅតាមដីចំណីផ្លូវដែលជាលក្ខណៈបង្កឲ្យគ្មានសណ្តាប់ធ្នាប់ ធ្វើឲ្យស្ទះ និង បង្កគ្រោះថ្នាក់ចរាចរណ៍ព្រមទាំងគ្មានផ្លូវអ្នកថ្មើរជើងដើរ សំខាន់ក្មួយៗសិស្សានុសិស្ស ភ្ញៀវទេសចរណ៍ដែលធ្វើឲ្យខូចនូវសណ្តាប់ធ្នាប់ ក្នុងក្រុងទៀតផង ។ ក្នុងនោះដែរ លោក ជួត ច័ន្ទតារា ក៏បានលើកផងដែរ អំពីការគ្រប់គ្រងយានដ្ឋានជួសជុល រថយន្ត និងកែច្នៃយានយន្តនៅក្នុងក្រុងសៀមរាប មានចំនួនសរុប ៩៣កន្លែង ក្នុងនោះទំហំ២៥០ម៉ែត្រក្រឡា ចំនួន ៩០កន្លែង និង លើសពី២៥០ម៉ែត្រក្រឡា ចំនួន៣កន្លែង ក្នុងនោះមានច្បាប់អនុញ្ញាតឲ្យធ្វើអាជីវកម្មចំនួន ៦១កន្លែង និង គ្មានច្បាប់ ៣១កន្លែង ព្រមទាំងហួសសុពលភាពធ្វើអាជីវកម្មមួយចំនួនផងដែរ។
លោកក៏បានឲ្យ ដឹងថា យុទ្ធនាការក្នុងការគ្រប់គ្រងយានដ្ឋានជួសជុលយានយន្ត និងកែច្នៃយានយន្តនេះ ក្នុងការជម្រុញលើការ គ្រប់គ្រងគ្រប់យានយន្តដែលខុសបច្ចេកទេសនិង ការផ្ទុកដឹកលើសទម្ងន់ដែលបណ្តាលឲ្យផ្លូវថ្នល់ ស្ពាន ងាយ ទទួលរងការខូចខាតទៀតផង ។ លោកបន្តទៀតថា ដើម្បីសម្រេចគោលដៅក្នុងការចុះបញ្ជីនិង លិខិតអនុញ្ញាត ធ្វើអាជីវកម្ម របស់យានដ្ឋានយានយន្តគ្រប់ប្រភេទនៃផែនការរបស់ក្រសួង គឺ ជម្រុញ និងធ្វើការផ្សព្វផ្សាយឲ្យ ដល់គោលដៅ ទីកន្លែងធ្វើអាជីវកម្ម រោងជាងលើច្បាប់សុំចុះបញ្ជីយានដ្ឋាន ច្បាប់អនុញ្ញាតធ្វើអាជីវកម្ម ទាំងមិន ទាន់ធ្វើ និងហួសសុពលភាពជាដើមផងដែរ ៕
ដោយ(លុចណាម)សៀមរាប
