កណ្តាល ៖ ប្រជាពលរដ្ឋអ្នកភូមិព្រែខ្មែរ ឃុំស្អាងភ្នំ ស្រុកស្អាង ខេត្តកណ្តាល ព្រួយបារម្ភមានគេយកគ្រឿងចក្រទៅដាក់ឈូសឆាយព្រៃភ្នំខ្សាក និងបឹងរានព្រៃបង្កើតជាកន្លែងសិប្បកម្មកិនថ្ម នៅក្នុងតំបន់មូលដា្ឋនភូមិឃុំរបស់ខ្លួន បង្កឱ្យមានការភា្ញក់ផ្អើលដល់ប្រជាពលរដ្ឋ គ្រប់មជ្ឃដ្ឋាន ព្រមទាំងក្រុមបណ្តាញអ្នកសារព័ត៌មាន(ការសែតទូរទស្សន៏) ទៅពិនិត្យមើល យកព័ត៌មាន កាលពីថ្ងៃ២៩ ឧសភា ឆ្នាំ ២០១៦។
(ព្រែកខ្មែរ) គឺជាឈ្មោះទីតាំងមួយកន្លែង ដែលសម្បូរដោយធម្មជាតិ (បំបុកត្រី) យ៉ាងច្រើន និងមានប្រជាពលរដ្ឋទៅប្រកបរបរបស្ថិតក្នុង(បឹងរាន) និងទៅធ្វើសាការៈបូជា បែបរូបិយនៅទីនោះ ។ ភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល នៃទឹកដីព្រះរាជាណាចក្រកម្ពុជា ។
តាមប្រភពឱ្យដឹងបច្ចុប្បន្នតំបន់ទីតាំង(ភ្នំខ្សាក)នោះ សុទ្ធសឹងជាកន្លែងដែលប្រជាពលរដ្ឋទៅប្រកបរបរ រកត្រីនិងកម្សាន្តដើម្បីរកផលកម្រៃផ្គត់ផ្គង់ជីវភាពគ្រួសារ ត្រី ដែលគេ(ប្រជាពលរដ្ឋ)រកបាន គឺខាងឈ្មួញទិញដល់កន្លែង ឬយកមកលក់នៅផ្សារស្អាង ។ ប៉ុន្តែឥឡូវនេះ គឺមានថៅកែក្រុមហ៊ុនឈ្មោះហុងហ្វុង និងមានតំណាងប្រចាំជាជនជាតិចិន គេយកគ្រឿងចក្រទៅដាក់បង្កើតជាផ្លូវចូលភ្នំខ្សាក និងកាយដីជុំវិញជើងភ្នំមកដីនៅទីនោះ បង្កឲ្យបងប្អូនប្រជាពលរដ្ឋអ្នករស់នៅក្នុងភូមិបរតាំងស៊ូរ មានការព្រួយបារម្ភមិនសប្សាយចិត្ត ចាត់ទុកថា ការដែលមានគេ(ថៅកែ) នាំយកគ្រឿងចក្រទៅដាក់បង្កើតជាកន្លែងសិប្បកម្មកិនថ្ម ចែកចាយលក់បែបនេះ បណ្តាលឲ្យប៉ះពាល់ដល់មុខរបររស់នៅប្រចាំថ្ងៃរបស់ប្រជាពលរដ្ឋខ្លួន ពិសេស ប៉ះពាល់ពេកណាស់ ចំពោះសម្បតិ្តធម្មជាតិក្រោមដី គង់ឆាប់រលាយហិនហោចអស់ ដូចព្រៃឈើ និងត្រីជាដើម ។
បញ្ហានេះ បានបណ្តាលឱ្យមានការភា្ញក់ផ្អើលដល់ប្រជាពលរដ្ឋគ្រប់មជ្ឃដ្ឋាន ព្រមទាំងក្រុមបណ្តាញអ្នកសារព័ត៌មាន ការសែតទូរទស្សន៏ផងដែរ ទៅពិនិត្យអង្កេតយកព័ត៌មាន ដែលប្រជាពលរដ្ឋសម្តែងការព្រួយបរម្ភ ។ ទាមទារសូមឱ្យជួយផ្សព្ធផ្សាយផ្តល់ដំណឹង ដល់មន្ត្រីអាជា្ញធរពាក់ព័ន្ធក្នុងខេត្តកណ្តាលចុះទៅត្រួតពិនិត្យទប់សា្កត់ និងជួយអភិវឌ្ឍន៍តំបន់ភូមិព្រែកខ្មែរ ឃុំស្អាងភ្នំ ស្រុកស្អាង ខេត្តកណ្តាល នេះឲ្យ បានរីកចម្រើនជឿនលឿនផង ។
ប្រជាពលរដ្ឋនិយាយថា ការដែលគេនាំយកគ្រឿងចក្រ ទៅដាក់ធ្វើការឈូសឆាយព្រៃភ្នំនិងបឹង បង្កើតជាកន្លែងកិនថ្មដោយគ្រឿងម៉ាស៊ីននោះ គឺមិនមែនមានខ្សែអ្នកតូចតាចទេ សុតសឹងតែជាមន្ត្រីថា្នក់ធំៗណាស់ទើបអាចធ្វើបានបែបនេះ ៕
ដោយ ហុក វិបុល
