ខេត្តបាត់ដំបង ៖ ពិធីប្រកាសផ្ទេរភារកិច្ច តែងតាំងមុខតំណែង បំពាក់ឋនន្តរសក្តិ មន្ត្រីនគរបាលជាតិ នៃស្នងការដ្ឋាននគរបាល ខេត្តបាត់ដំបង សរុប២៥២នាក់ (ស្រី៥នាក់) ក្រោមអធិបតីភាពលោកឧត្តមសេនីយ៍ទោ ស ថេត ស្នងការនគរបាលខេត្ត និងលោកស្នងការរង ទាំងអស់ អធិការ អធិការរងស្រុក ក្រុង នាយ និងពលនគរបាល បានចូលរួមប្រមាណជិត៣០០នាក់ ។
ក្នុងនោះប្រកាសតែងតាំងលោកប៉ាង ហៀង អធិការរងស្រុកសង្កែ ផ្លាស់មកកាន់់តំណែង អធិការក្រុងបាត់ដំបងជំនួសលោកយឹម វិចិត្រ ។ ហើយលោក យឹម វិចិត្រ អតីតៈអធិការក្រុងបាត់ដំបង ត្រូវបានប្រកាស់ផ្លាស់ប្ដូរ ទៅជាអនុប្រធានការិយាល័យ កណ្តាលភស្តុភា និងហរិញ្ញវត្ថុ នៃស្នងការដ្ឋាន នគរបាលខេត្តបាត់ដំបង។លោកប៉ាន់ វ៉ាន់នី នាយរងការិយាល័យ ប្រឆាំងភារៈកម្មបទល្មើស ផ្លាស់ទៅជាអធិការស្រុកបាណន់ ដោយលោកប៊ុត សំបូរ អធិការស្រុកបាណន់ ផ្លាស់ទៅរងនាយកដ្ឋានអន្តោប្រវេស្តិ៍។
លោក ប៉ាន់ វ៉ាន់នី អធិការស្រុកបាណន់ទើបឡើងថ្មី បានឡើងប្តេជ្ញាចិត្ត អនុវត្តឲ្យបានសម្រេច នូវផែនការថ្នាក់លើដាក់ប្រគល់ជូន ខិតខំបម្រើប្រជាពលរដ្ឋនិងប្រទេសជាតិឲ្យបានល្អប្រសើរ សហការមន្ត្រីជំវិញខ្លួន។
