មណ្ឌលគិរី៖ ការដឹកជញ្ជូនឈើខុសរបស់ពួកឈ្មួញខាងខេត្តរនៈគិរី ដែលធ្វើការដឹកជញ្ជូនរាល់យប់ មិនមានការទប់ស្កាត់ និងបង្ក្រាបពីសមត្ថកិច្ច និងជំនាញដែលនៅប្រចាំការនៅក្នុងស្រុកកោះញែក ឡើយ។
ប្រភពពីប្រជាពលរដ្ឋនៅស្រុកកោះញែកបានប្រាប់ភ្នាក់ងារ យើងថា ការចរាចរណ៍ដឹកជញ្ជូនឈើខុសច្បាប់មានជារៀងរាល់យប់ របស់ពួកឈ្មួញ មិនដែលឃើញមានការបង្ក្រាបម្តងឡើយ ហើយពលរដ្ឋបានដាក់ការសង្ស័យថា ប្រហែលត្រូវគ្នាជាប្រព័ន្ធហើយមើលទៅបានជាមានការដឹកជញ្ជូនបានរលូនដូច្នេះ ។
ប្រភពបានបន្តទៀតថា ការគេធ្វើចរាចរដឹកឈើល្មើសច្បាប់រាល់យប់នេះ ត្រូវប្រជាពលរដ្ឋបានបញ្ជាក់យ៉ាងច្បាស់ថា ពួកគេដឹកឆ្លងកាត់មុខកន្លែងសមត្ថកិច្ច និងជំនាញមួយចំនួនដូចជាទីស្នាក់ការអាវុធហត្ថស្រុកកោះញែក ប៉ុស្តិ៍រដ្ឋបាលនគរបាលឃុំរយ៉ ក្នុងស្រុកកោះញែក ដែលឈរជើងនៅតាមដងផ្លូវនោះ មិចមើលមិនឃើញ មិនមែនដឹកតែមួយយប់ឯណា។
គ្រប់ហេតុការណ៍ទាំងអស់ ប្រជាពលរដ្ឋគាត់សង្ឃឹមថា ដំណឹងនឹងបានដឹងឮទៅដល់ ឯកឧត្តមអភិបាលនៃគណៈអភិបាលខេត្ត សូមមានវិធានការទប់ស្កាត់នៅជំនួញឈើនៅក្នុងស្រុកកោះញែកនេះផង៕
ដោយ ៖ ឃិន សុខន
