មានពិធីសូត្រមន្តតាមប្រពៃណី និងទំនៀមទម្លាប់ស្របតាមយុទ្ធសាសនាខ្មែរដែលជាសាសនារបស់រាជរដ្ឋាភិបាលកម្ពុជា ដែល មាននៅក្នុងបាវចនាជាតិ សាសនា ព្រះមហាក្សត្រនោះ ពុទ្ធបរិស័ទព្រមទាំងប្រធានក្រុមប្រឹក្សាឃុំ និងនាយប៉ុស្តិ៍រដ្ឋបាលបាន នាំគ្នាធ្វើសុំសេចក្តីសុខនៅក្នុងឃុំតាំងក្រូចទាំងមូល ។
នៅក្នុងឱកាសនោះ លោកអនុសេនីយទោ ហង្ស តូច នាយប៉ុស្តិ៍នគរបាលរដ្ឋបាលតាំងក្រូច បានមានប្រសាសន៍ឱ្យដឹង ថា លោក និងលោកប្រធានក្រុមប្រឹក្សាឃុំ ព្រមទាំងប្រជាពលរដ្ឋបានឯកភាពគ្នាធ្វើពិធីសូត្រមន្តដើម្បីទទួលនូវសេរីសួរស្តី ក្រោយពីលោកឡើងកាន់តំណែងជានាយប៉ុស្តិ៍នគរបាលរដ្ឋបាលនេះ នាថ្ងៃទី ០៥ ខែឧសភា ឆ្នាំ២០១៦ នេះ ។ ដោយមានការ តែងតាំងពីលោកអធិការស្រុកសំរោងទង និងមានការឯកភាពពីលោកស្នងការនគរបាលខេត្ត ព្រមទាំងមានការគាំទ្រពី សំណាក់អគ្គស្នងការនគរបាលជាតិ ទើបរូបលោកត្រូវបានតែងតាំងជានាយប៉ុស្តិ៍រដ្ឋបាលឃុំតាំងក្រូច ដើម្បីបម្រើប្រជាពលរដ្ឋ រស់នៅក្នុងសុខសន្តិភាព ។
នៅក្នុងឱកាសនោះដែរ លោក សំ សុន ជាប្រធានក្រុមប្រឹក្សាឃុំតាំងក្រូច ដែលបានចូលរួមក្នុងពិធីសូត្រមន្តនោះក៏ បានសម្តែងនូវការស្វាគមន៍ចំពោះលោកអនុសេនីយ៍ទោ ហង្ស តូច ដែលត្រូវបានដឹកនាំកងកម្លាំងនគរបាលប៉ុស្តិ៍រដ្ឋបាលតាំង ក្រូច ព្រោះលោកអនុសេនីយ៍ទោ រូបនេះមានការគាំទ្រយ៉ាងខ្លាំងពីប្រជាពលរដ្ឋក្នុងឃុំក្នុងការអនុវត្តការងារប្រចាំថ្ងៃរបស់ ខ្លួន ។
ជាមួយគ្នានេះ លោក ខឹម ឃន អនុប្រធានក្រុមប្រឹក្សាឃុំតាំងក្រូច ក៏បានស្នើឱ្យលោកអនុសេនីយ៍ទោ ហង្ស តូច បន្តអនុវត្តគោលនយោបាយភូមិ-ឃុំមានសុវត្ថិភាព ដែលមានគោលការណ៍ ៩ចំណុច របស់រាជរដ្ឋាភិបាលឱ្យកាន់តែល្អប្រសើរ ថែមទៀត ដើម្បីការរស់នៅរបស់ប្រជាពលរដ្ឋរស់នៅដោយភាពសុខក្សេមក្សាន្តផងដែរ ។/ ដោយ ៖ សារ៉េត
