សៀមរាប ៖ ទោះជាសម្តេចក្រឡាហោម ស ខេង បានព្រមានអភិបាលខេត្តទាំងអស់នៅជុំវិញបឹងទន្លេសាប បើខេត្តណានៅតែមានបទល្មើសនេសាទច្រើននិងត្រូវដកពីតំណែង។
សូមបញ្ជាក់ថាដើម្បីលើស្ទួយជីវភាព របស់ប្រជាពលរដ្ឋ រាជរដ្ឋាភិបាល បានលុបចោល ឡូតិ៍នេសាទ ទាំងអស់ នៅក្នុងបឹងទន្លេសាប ដោយអនុញ្ញាតឲ្យប្រជាពលរដ្ឋធ្វើនេសាទតាមលក្ខណៈគ្រួសារ ។ ប៉ុន្តែផ្ទុយទៅវិញបន្ទាប់លុបចោលឡូត៏នេសាទ ហើយបទល្មើស គឺកើតឡើងយ៉ាងខ្លាំងដែលបញ្ហានេះចាំបាច់ឲ្យរាជរដ្ឋាភិបាលដោះស្រាយជាបន្ទាន់។
ក្នុងនោះគេសង្កេតឃើញថា នៅខេត្តសៀមរាបបទល្មើសនេសាទ កើតមាន យ៉ាងពេញបន្ទុក មិនចាញ់ខេត្ត ផ្សេងទៀតជុំវិញបឹងទន្លេសាបនោះដែរ ។
ជាក់ស្តែងឈ្មួញកាងបទល្មើសទាំងរដូវបិទនិងរដូវបើកនេសាទចាស់វស្សា ដែលគេស្គាល់ឈ្មោះ សេង ហ៊ុង (ហៅអាក្បាលដែក) ជាជនជាតិវៀតណាម ដែលរស់នៅភូមិមាត់ខ្លាខេត្តសៀមរាប ហើយត្រូវគេអះអាងថា ជាកូនធម៌របស់លោក ព្រិន សាវិន នាយខណ្ឌរដ្ឋបាលជលផល ។
ឧបករណ៍នេសាទ(ឆ្នុក)នេះក្រុមឈ្មួញប្រើប្រាស់ស្បៃក្រឡាញឹករួមផ្សំជាមួយនិងភ្លើងអំពូលនិងចំណីត្រីអាសារធាតុគីមី (ជាប្រភេទបទល្មើសសម័យថ្មី) ដែលត្រូវបានគេប្រទះឃើញនៅពេលៗនៅចំណុច.ពេជ្រចក្រី .មាត់ខ្លា .វេហា .ប៉ាលហាល រហូតដល់ព្រែកកំពង់ឃ្លាំង ឃុំមាត់ខ្លា និងឃុំកំពង់ឃ្លាំង ស្រុកជីក្រែង ខេត្តសៀមរាប។
ប្រជានេសាទដែលរស់នៅតំបន់នោះបញ្ជាក់បន្តទៀតថាឈ្មោះសេងហ៊ុង(ហៅក្បាលដែក)ជាជនជាតិវៀតណាមដែលរស់នៅភូមិមាត់ខ្លាខេត្តសៀមរាបជាមេឈ្មួញកាងបទល្មើសមានដូចជា អូសអួន អូយយ៉ាំងកាវជាច្រើនវង់យ៉ាងសកម្មជារៀងរាល់ឆ្នាំនៅតំបន់បឹងទន្លេសាបដោយពុំមានសមត្ថកិច្ចណាហ៊ានប៉ះពាល់ឡើយ ខណ:គេអះអាងថាអាក្បាលដែកនោះបានអួតប្រាប់គេថា ជាកូនធម៌ របស់លោក ព្រិន សាវិននាយខ័ណ្ឌខលរដ្ឋបាលជលផលជាខ្នងបង្អែកយ៉ាងរឹងមាំអញ្ចឹងអ្នករកស៊ីបទល្មើសនេសាទនានាត្រូវតែទាក់ទងឲ្យលោកសេងហ៊ុង(ហៅក្បាលដែក)ជាជនជាតិវៀតណាមជាអ្នករត់ការទាំងអស់ ។
ពាក់ព័ន្ធនឹងព័ត៌មានខាងលើនេះជាសារមួយសម្រាប់សមត្ថកិច្ចជំនាញចុះការស៊ើបអង្កេតចំណុចដែលរាប់ខាងលើនេះ៕
