ប៉ៃលិន ៖ លោកប្រធានមន្ទីរ សាធារណការខេត្តប៉ៃលិន ដែលត្រូវចូលនិវត្តន៍នៅឆ្នាំ ២០១៧ខាងមុខនេះ ត្រូវបាន បុគ្គលិកធ្វើការចោទប្រកាន់ ថា បានកំពុងតែរត់ការឱ្យកូន ប្រុសរបស់លោកឡើងកាន់ តំណែងបន្តវេណពីរូបលោក នៅឆ្នាំក្រោយនេះ ។
ទាក់ទិនទៅនឹងការចោទ ប្រកាន់បែបនេះ លោក ឌិន គឹម ប្រធានមន្ទីរសាធារណការ ខេត្តប៉ៃលិនមានប្រសាសន៍ឱ្យ ដឹងកាលពីពេលថ្មីៗនេះថា រឿងតែងតាំងធ្វើជាប្រធាន មន្ទីរសាធារណការនេះពុំមែន រូបលោកជាអ្នកចាត់ចែង នោះទេ គឺអាស្រ័យទៅលើ ក្រសួងសាធារណការនិងដឹក ជញ្ជូនជាអ្នកចាត់តាំង គឺរូប លោកគ្មានសិទ្ធិអ្វីនឹងចាត់ចែង ឱ្យហួសពីកាតព្វកិច្ចនិងភារកិច្ច ជាប្រធានមន្ទីរនោះឡើយ ។
លោក ឌិន គឹម បានមាន ប្រសាសន៍បន្ថែមទៀតថា ថ្នាក់ក្រោមអាចធ្វើអ្វីបានលុះ ត្រាតែថ្នាក់លើជាអ្នកសម្រេច មិនមែនថ្នាក់ត្រឹមប្រធានមន្ទីរ មួយរូប អាចធ្វើអ្វីបានដោយ អត្តនោម័តនោះ ។
ការតែងតាំងប្រធានមន្ទីរ នីមួយៗពុំមែនចេះតែធ្វើឡើង ដោយគំនិតបុគ្គលនោះទេ គឺ ថ្នាក់រដ្ឋមន្ត្រីក្រសួងសាធារណ ការនិងដឹកជញ្ជូនជាអ្នក សម្រេច ។
លោក ឌិន គឹម បាន បញ្ជាក់ថា មានពាក្យចចាម អារាមថារូបលោកស្នើឈ្មោះ កូនរបស់លោកឱ្យធ្វើជាប្រធាន មន្ទីរនោះ ពុំមានការពិតនោះ ទេ ព្រោះតំណែងជាប្រធាន មន្ទីរសាធារណការនិងដឹក- ជញ្ជូនគឺមានអំណាចនៅថ្នាក់ ខេត្ត ។ ដូច្នេះអ្នកណាក៏សម្លឹង ចង់បានកៅអីនេះដែរ ដើម្បីឱ្យ ថ្នាក់លើទុកចិត្តធ្វើការតែង តាំងរូបខ្លួននោះក៏មានក្រុម ជនខិលខូចធ្វើការនៅក្នុងមន្ទីរ បានបំប៉ោងព័ត៌មានផ្សេងៗ ដើម្បីសម្អុយកេរ្តិ៍ឈ្មោះរបស់ លោកមុនពេលដែលលោក ចូលនិវត្តន៍ ។
លោក ឌិន គឹម បាន បញ្ជាក់បន្ថែមទៀតថា ក្រុម ដែលបំប៉ោងព័ត៌មាន និងប្រើ ប្រាស់ពាក្យចចាមអារាមមួយ ក្រុមតូចនេះ គឺពិតជាចង់ធ្វើ ជាប្រធានមន្ទីរដោយខ្លួនឯង ហើយ បែរជាមកប្រើប្រាស់ ព័ត៌មានទម្លាក់លើរូបលោក ថា ស្នើទៅថ្នាក់ឱ្យកូន ធ្វើជា ប្រធានមន្ទីរទៅវិញនេះពិតជា ល្បិច“ស៊ីបាយលាបមាត់ពពែមែន” ៕
