កណ្តាល ៖ ទិវាកាកបាទក្រហមដអាថឺកអធម្មមួយ ត្រូវបានអាជា្ញធរខេត្តកណ្តាលរៀបចំប្រារព្ធធ្វើឡើង នៅមុខទីធ្លារស្នាក់ការសាខាកាកបាទក្រហមខេត្តកណ្តាលកាលពីព្រឹកថ្ងៃ ទី១ឧសភាឆ្នាំ ២០១៦ ។ ពិធីនេះប្រព្រឺត្តឡើងក្រោមអធិបតីភាព លោកជំទាវ ឃួន សុដាវី អនុប្រធានកាកបាទក្រហមកម្ពុជាខេត្តនិងជាតំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែនប្រធានកាកបាទក្រហមកម្ពុជា។ឯកឧត្តម ម៉ៅ ភារុណ គណៈអភិបាលខេត្តកណ្តាល ប្រធានកិតិ្តយសសាខានិងលោកជំទាវ គឹង ចាន់ឌី (ភរិយាលោកឧត្តមសេនីយ៍គន់គីម)ជាអនុប្រធានកិត្តិយសសាខាកាកបាទក្រហមកម្ពុជាខេត្តកណ្តាល។ ដោយមានការអញ្ជើញចូលរួមផងដែរពីសំណាក់ បណ្តាអស់លោកលោកស្រីជាថា្នក់ដឺកនាំមន្ត្រីរាជការ គ្រប់លំដាប់ថា្នក់នៃអាជា្ញធរខេត្តជាច្រើនរូបទៀត ព្រមទាំងប្រជាពលរដ្ឋ លោកគ្រូអ្នកគ្រូ-សិស្សានុសិស្សយ៉ាងកុះករផងដែរ ។
បនា្ទប់ពីឯកឧត្តម ម៉ៅ ភារុណ អភិបាលខេត្តនៃគណ:អភិបាលខេត្ត ឡើងអានរបាយការណ៍ស្តីពីលទ្ធផល ដែលសាខាកាកបាទក្រហមខេត្ត អនុវត្តបានក្នុងរយ:ពេល ១ ឆ្នាំកន្លងមក ឆ្លៀតក្នុងឱកាសនោះ លោកជំទាវ ឃួន សុដាវី អនុប្រធានសាខាកាកបាទក្រហមកម្ពុជាខេត្តកណ្តាល ក៏ដូចជាឯកឧត្តម ម៉ៅ ភារុណ គណៈអភិបាលខេត្តកណ្តាលនិងជា ប្រធានកិត្តិយសសាខាកាកបាទក្រហមខេត្តកណ្តាល បានថ្លែងអំណរគុណនិងកោតសរសើរដល់អស់លោកលោកស្រី មន្ត្រីរាជការក្នុងខេត្តកណ្តាល ក៏ដូចជាបងប្អូនជាសប្បុរសជនដែលរស់នៅសហរដ្ឋអាមេរិក ដែលបានជួយឧបត្ថមជាថវិកាចូលរួមជាទន់ជំនួយសង្គ្រោះដល់ប្រជាពលរដ្ឋរងគ្រោះផ្សេងៗ ដូចជាទឹកជំនន់-ទីទាល់ក្រ-ចាស់ជរាគ្មានទីពឹង-គ្រួសារផ្ទុកមេរោគអេដ៍និងគ្រោះអគ្គីភ័យជាដើម ។ ព្រមទាំងបានថ្លែងពាំនាំនូវប្រសាន៏ផ្តាំផ្ញេីរសួសុខទុក្ខ ប្រកបដោក្តីនឹករលឹកពីសំណាក់សម្តេចព្រឹទ្ធបណ្ឌិត ប៊ុន រ៉ានី ហ៊ុនសែនប្រធានសាខាកាកបាទក្រហមកម្ពុជាខេត្តកណ្តាល៕
ដោយ ហុក វិបុល
