(បាត់ដំបង)៖ ដោយអនុវត្តតាមការណែនាំបញ្ជាផ្ទាល់ពី លោក ឧត្តមសេនីយ៍ត្រី សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និង មានការសម្របសម្រួលទៅលើនីតិវិធី ពីឯកឧត្តម គឺ ប៊ុណ្ណារ៉ា ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង នៅថ្ងៃទី ២៨ ខែ តុលា ឆ្នាំ ២០២០ វេលាម៉ោង ១៣:៤៨ នាទី នៅចំណុចក្នុងរ៉ារថភ្លើង ស្ថិតក្នុងភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង លោកវរសេនីយ៍ឯក លឹម ពុទ្ធីឡា ស្នងការរង ផែនការងារនគរបាលព្រហ្មទណ្ឌ បានចាត់អោយលោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល ដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណី អំពើលួច ( យកម៉ូតូ ) ០១ ករណី ដែលជារបស់ជនរងគ្រោះឈ្មោះ វន វ៉ាន់ ភេទ ប្រុស កើតឡើងនៅចំណុចភូមិឡាក់ហុកពីរ ឃុំកំរៀង ស្រុកកំរៀង ខេត្តបាត់ដំបង កាលពីថ្ងៃទី ២២ ខែតុលា ឆ្នាំ ២០២០ វេលាម៉ោងប្រហែល ២០:០០ នាទី នៅក្នុងករណីនេះដែរសមត្ថកិច្ចយើងបានធ្វើការនាំខ្លួនជនសង្ស័យ ០១ នាក់ ឈ្មោះ វង្ស ផាន់រ៉ា ភេទប្រុស អាយុ ៣៤ ឆ្នាំ បច្ចុប្បន្នមានទីលំនៅមិនពិតប្រាកដ ។
– វត្ថុតាងដកហូតរួមមាន :
– ម៉ូតូ០១ គ្រឿង ម៉ាកហុងដាឌ្រីម សេ១២៥ ពណ៌ខ្មៅ ស៊េរីឆ្នាំ ២០១១ ពាក់ស្លាកលេខ បាត់ដំបង 1I 3335 ។
បច្ចុប្បន្នកម្លាំងការិយាល័យជំនាញកំពុងតែធ្វើការកសាងសំណុំរឿងបញ្ជូនទៅសាលាដំបូងខេត្តបាត់ដំបងដើម្បីចាត់ការបន្តតាមនីតិវិធី ។
