មណ្ឌលគិរី ៖ មន្ត្រីរដ្ឋបាលសាលាស្រុក២នៃខេត្តមណ្ឌលគិរីទទួលបានអគារធ្វើការថ្មី គឺ អគាររដ្ឋបាលនិងសាលប្រជុំតំលៃប្រមាណជា២៨០,១៤៣,២០$(ពីររយប៉ែតសិបពាន់ មួយរយសែសិបបីដុល្លានិងម្ភៃសេន) ត្រូវបាន ប្រគល់ជូនមន្ត្រីរដ្ឋបាលសាលាស្រុកកែវសីមា ប្រើប្រាស់តាមផ្លូវការបន្ទាប់ពីស្ថាបនារួចរាល់កាលពីពេលថ្មីៗនេះ។
ក្នុងពិធីប្រគល់អគារកាល ពីថ្ងៃទី២០មេសាម្សិលមិញគណះអធិបតីនៅពេលនោះត្រូវគេឃើញថា ក្រោមវត្តមានអនុរដ្ឋលេខាធិការ ក្រសួង មហាផ្ទៃនិងជានាយកគម្រោងអភិវឌ្ឍន៍សាវាកម្មសារធារណះនិងគ្រប់គ្រងវិស័យហិរញ្ញវត្ថុតាមបែបវិមជ្ឍការ(DPSFM)ឯកឧត្តម ឡេង វី ព្រមទាំងអភិបាលខេត្តមណ្ឌលគិរីឯកឧត្តម ស្វាយ សំអ៊ាង ក្នុងនោះក៏មានការចូលរួមពីអភិបាល អភិបាលរងខេត្ត មន្ត្រីរាជការទូទាំងស្រុកកែវសីមា ទាំងមូល។
អភិបាលស្រុកកែវសីមា លោក ស៊ិន វណ្ណវុឌ្ឍន៍ នាឧ៍កាសនោះបានជម្រាបអំពីដំណើរការនិងការសាងសង់អគារទាំង២យ៉ាងលម្អិតដល់គណះ អធិបតីនិងមន្ត្រីរាជការថា:រដ្ឋបាលស្រុកកែវសីមាបានចុះកិច្ចសន្យាជាមួយក្រុមហ៊ុនអេស ធូ អេនជីនារីង និងឌីហ្សាញ នៅថ្ងៃទី២០ឧសភា ២០១៥និងចាប់ផ្តើមបើកការដ្ឋាន សាងសង់ថ្ងៃ០៣មិថុនា២០១៥ ។
លោកថា ក្រោយពីដំណើរការបានមួយរយះ ការសាងសង់បានរកឃើញ ថាដីដែលទើបចាក់បំពេញ ដោយរដ្ឋបាលស្រុកកម្ពស់២ម៉ែតកាលពីពេលកន្លងមកនោះ ស្មើរនិងនីវ៉ូផ្លូវជាតិ ដែលខ្ពស់ជាងការកំណត់នៃ គម្រោង និងត្រូវចំណាយលើសប្រាក់គម្រោងដែលផ្តល់ដោយនាយកគម្រោងប្រមាណ៥,២១៩,៣៥(ប្រាំពាន់ពីររយ ដប់ប្រាំបួនដុល្លានិងសា មសិបប្រាំសេន) ។
លោកបន្តថា ដូច្នះហើយក្រសួងមហាផ្ទៃបានសម្រេចផ្តល់ថវិការជំនួយបន្ថែមដើម្បីប្តូរប្រព័ន្ធគ្រឹះ លើកទី០២ចំនួន (៥,២១៩,៣៥)លើប្រាក់ គម្រោងលើកទី០១ ដែលសរុបការចំណាយអស់ប្រាក់ចំនួន២៨០,១៤៣,២០(ពីររយប៉ែតសិបពាន់ មួយរយ សែសិបបីដុល្លានិងម្ភៃសេន)។
សូមជម្រាបថា ប្រជាពលរដ្ឋទូទាំងស្រុកកែវសីមាបានសាទរ និងការប្រគល់អគាររដ្ឋបាលនិងសាលប្រជុំ នៅពេលនេះ ដោយគេបានលើកឡើង ថា កាលដើមឡើយពលរដ្ឋត្រូវមានការលំបាកក្នុងការធ្វើដំណើរដើម្បីស្វែងរកសេវាធារណះរដ្ឋបាលស្រុកកែវសីមាដែលស្ថិត នៅឃុំស្រែព្រះ ដែលមានចម្ងាយផ្លូវលំបាក ១២គីឡូម៉ែត ពីផ្លូវជាតិលេខ៧៦នោះនិងពីទីប្រជុំជន។
សេចក្តីរាយការថា ក្រុមប្រឹក្សា អភិបាលស្រុកនិងមន្ត្រីរាជការ អណត្តិទី០១មានការខ្លាចរអារនិងអង្គុយធ្វើការនៅអគារសាលាស្រុក ចាស់ដែលមាន ទីតាំងនៅឃុំស្រែ ព្រះ មានសភាពចាស់ទ្រុឌទ្រោមសេសសល់ពីសម័យសង្គមរាស្ត្រនិយមនោះ ទើបនៅឆ្នាំ២០០៩ គេបានផ្លាស់មកអង្គុយធ្វើការនៅរោងដែលមានទទឹង៥ម៉ែត បណ្តោយ១២ម៉ែត លើទីតាំងលំនៅស្ថានរបស់លោកអភិបាលស្រុក ស៊ិន វណ្ណវុឌ្ឍន៍ ផ្ទាល់ស្ថិតក្នុងភូមិអូរអាម ឃុំស្រែខ្ទុម អស់រយះពេល៧ឆ្នាំ៨ខែមកហើយ។
ជាមួយគ្នានេះដែរ នៅព្រឹកថ្ងៃទី២១មេសា អនុរដ្ឋលេខាធិការក្រសួងមហាផ្ទៃបានបន្តទៅប្រគល់អគាររដ្ឋបាលនិងសាលប្រជុំជូនដល់រដ្ឋបាល ស្រុកកោះញែក ផងដែរ ដែលប្រើពេលសាងសង់ក្នុងដំណាក់កាលតែមួយជាមួយនិងស្រុកកែវសីមា ក្នុងតំលៃទឹកប្រាក់ ២៧៥០០០$ នោះថែមទៀត ។
ក្នុងឱកាសនោះ ឯកឧត្តមអនុរដ្ឋលេខាធិការ បានថ្លែងកោតសរសើរដ៏ខ្ពង់ខ្ពស់ដល់បណ្តាស្រុកក្រុងទាំង៥នៅក្នុងខេត្តមណ្ឌលគិរី ដែលបានធ្វើការ អភិវឌ្ឍន៍ពីខេត្តដែលដាច់ស្រយាលអោយក្លាយជា ខេត្តមួយដែលកំពុងតែរីកចម្រើនលើគ្រប់វិស័យ ។
ក្នុងនោះ ឯកឧត្តមបានផ្តាំផ្ញើរអោយ មន្ត្រីរាជការទាំងអស់ ត្រូវយកចិត្តទុកដាក់បម្រើប្រជាពលរដ្ឋក្នុងមូលដ្ឋានអោយបានល្អប្រសើរ៕
គឹម ចំរើន
