ភ្នំពេញ ៖ នៅមិនយូរទៀតទេ អ្នកទោសដែលមានលុយ និងពិបាករបស់នៅក្នុងមន្ទីរឃុំឃាំងដែលមានមនុស្សច្រើន គឺអាចជួលបន្ទប់ពិសេសសម្រាប់ស្នាក់នៅផ្ទាល់ខ្លួនបាន។
បើយោងតាមសម្តេចក្រឡាហោម ស ខេង ឥឡូវនេះមានក្រុមហ៊ុនឯកជនមួយបានដាក់សំណើសម្រាប់ការសាងសង់បន្ទប់ពិសេសសម្រាប់ជួលឲ្យអ្នកទោសនេះហើយ។
បើតាមសម្តេចថា នៅពន្ធនាគារប្រទេសអូស្ត្រាលី គេមានគុកទំនើប ដែលអ្នកទោសអាចធ្វើម្ហូបដោយខ្លួនឯងបាន កន្លែងដេកមានកង្ហារ មានកាសែត ទូរទស្សន៍ មានពូក ហើយជាពិសេសនោះ ថ្ងៃសៅរ៍-អាទិត្យ បើទណ្ឌិតមានកូនប្រពន្ធ មានក្រុមគ្រួសារ ពួកគេឲ្យចូលទៅជួបហូបចុក និង រស់នៅជាមួយគ្នាបាន តែត្រឹមរយៈពេលមួយម៉ោង។
ដូច្នេះដើម្បីឲ្យដំណើរការនេះអាចទៅមុខ សម្តេចស្នើសុំឲ្យនាយកដ្ឋានភស្តុភា ពិនិត្យមើលឡើងវិញនូវសំណើររបស់ក្រុមឯកជនមួយនោះ ដើម្បីដំណើរការគម្រោងឲ្យបានឆាប់
ដោយ ហុក វិបុល
