ខេត្តកណ្តាល ៖ នៅព្រឹកថ្ងៃទី២៥ខែមិនាឆ្នាំ២០១៦នៅវេលាម៉ោង៨-២០នាទី នៅចំណុចដីរបស់លោក ឧកញ៉ា ឡោក ហួរ អតីតដែនឡូតិ៍នេសាទលេខ ៤-៦ ដែលមានទំហំផ្ទៃក្រឡាជាង៣ពាន់ហិកតា ស្ថិតនៅក្នុងចំនួន២ភូមិទី១ គឺភូមិលេខ៤ ឃុំប្រាសាទតាយ៉ូ ស្រុកស្អាង ទី២ ភូមិអ៊ុតត្តម ឃុំគគីធំ ស្រុកកៀនស្វាយ ខេត្តកណ្តាល។
នៅក្នុងអង្គពិធីនោះក្រោមអធិបតីភាពលោកឯកឧត្តម ម៉ៅ ភិរុន អភិបាលនៃកណអភិបាលខេត្តកណ្តាល ដោយមានការចូលរួមពីមន្ត្រីស្ថាបណ្ណ័មន្ទីរជំវិញសាលាខេត្ត កងកំម្លាំងប្រដាប់អាវុធទាំង ៣ និងមេភូមិមេឃុំប្រជាពលរដ្ឋជាច្រើនកុះករផងដែរ ។
ទាក់ទិននឹងការបើកវេទិកាផ្តល់មតិយោបល់ដោយសេរីពីសំណាក់ប្រជាពលរដ្ឋ និងឯកឧត្តមអភិបាលខេត្តដើម្បីដកស្រង់ពីទុក្ខកង្វល់របស់ប្រជាពលរដ្ឋជាច្រើនឆ្នាំមកហើយ ក្នុងករណីទំនាស់ដីធ្លីរវាងលោកឧកញ៉ាមានអំណាច ដែលបានរំលោភបំពានយកដីប្រជាពលរដ្ឋនឹងដីបឹងធម្មជាតិ សរុបជាង៣ពាន់ហិតតា មកធ្វើជាសម្បត្តិផ្ទាល់ខ្លួន ហើយសព្វថ្ងៃបានជីកកាយលើកទំនប់ពន្ធដោយមិនអោយប្រជាពលរដ្ឋចេញចូលឆ្លងកាត់នោះ បានទេ មានទាហានយាមប្រចាំការនៅកន្លែងចំណុចដីនេះជាប្រចាំទៀតផង ។ ហើយទាហាននោះមានឈ្មោះ មែន សុធី និងឈ្មោះ ខុន ។
ទាក់ទិនករណីនេះ ប្រជាពលរដ្ឋទាំង២ភូមិ-ឃុំនេះបានចោទប្រកាន់ថា លោកឧកញ៉ា ឡោក ហួរ កំពុងតែរំលោភបំពានយកដីបឹងធម្មជាតិ នឹងដីស្រែប្រាំង ដីចំការរបស់ពួកគាត់ ហើយពួកគាត់សពថ្ងៃនេះគ្មានដីស្រែឬដីចំការឯណាសំរាប់បង្កបង្កើនផលអ្វីទាំងអស់ ដើម្បីចិញ្ចឹមជីវិតនោះទេ ។ សូម្បីតែប្រជាពលរដ្ឋចូលមកធ្វើនេសាទត្រីក្នុងអតីតដែនឡូត៍នេះ ជាលក្ខណគ្រួសារក៏មិនបានដែរ ដោយមានកំម្លាំងទាហានរបស់លោកឧកញ៉ា ឡោក ហួរ ដេញពាត់ចាប់ឃាតបង្ខំអោយបង់លុយតាមទំនើងចិត្តរបស់ពួកកេតែប៉ុណ្ណោះ ហើយបើចង់ចូលមករកនេសាទត្រីនៅចំខាងលើនេះ ត្រូវបង់លុយអោយលោក មែន សុធី នឹងលោក ខុម ចាប់ពីក្នុង ១ ឃុគ តម្លៃ២០០០ដុល្លារ ៣០០០ដុល្លា ៤០០០ដុល្លា ជាមុន ទើបអាចចូលនេសាទបានដោយសុខស្រួល ។
បន្ទាប់ពីឯកឧត្តម ម៉ៅ ភិរុន អភិបាលនៃកណអភិបាលខេត្តស្តាប់អំពីសភាពការណ៍អស់ពីប្រជាពលរដ្ឋហើយនោះ ឯកឧត្តមក៍បានឡើងមានប្រសាសន៍ណែនាំពន្យល់បញ្ជាក់ប្រាប់ដល់បងប្អូនប្រជាពលរដ្ឋនៅនឹងកន្លែងអង្គពិធីវេទិកាសេរីនោះអោយយល់ដឹងអំពីពាក់ព័ន្ធនឹងផ្លូវច្បាប់ថា យើងខ្ញុំជាអភិបាលខេត្តមានតួនាទី នឹងភារកិច្ចក្នុងការដោះស្រាយជូនប្រជាពលរដ្ឋបានទាំងអស់ រាល់អ្វីៗដែលមានដោយស្របច្បាប់ ដែលច្បាប់បានចេញ នឹងកំណត់ដល់បងប្អូនប្រជាពលរដ្ឋយើងនោះ ។ ប៉ុន្តែចំណែករឿងរាវដីធ្លីរបស់ប្រជាពលរដ្ឋយើងទាំង២ភូមិនេះបានជាខ្ញុំចុះមកដល់ចំណុចកំពុងមានទំនាស់រវាងលោកឧកញ៉ា ឡោក ហួរ ជាមួយពលរដ្ឋយើងនេះ ដោយឡែកតែខ្ញុំចង់ពិនិត្យអោយបានច្បាស់ថា ដីពលរដ្ឋជាប់ពាក់ព័ន្ធមានចំណុចណាពិតប្រាកដ ហើយមានប៉ុន្មានហិតតាប៉ុន្មានគ្រួសារ ។ ហើយឯកឧត្តមក៏បានបន្តទៀតថា ខ្ញុំនឹងខិតខំរកទំនាស់ស្រាយជូនបងប្អូនប្រជាពលរដ្ឋ ។ ចំណែកការនេសាទត្រីវិញតាមបឹងបួរធម្មជាតិនោះ គឺគ្មានបុគ្គលណាម្នាក់ហាមឃាត់ទេ អោយបងប្អូនប្រជាពលរដ្ឋធ្វើនេសាទទៅតាមលក្ខណគ្រួសារ ត្រូវគោរពច្បាប់ជលផលមិនប្រើប្រាស់ឧបករណ៍នេសាទខុស ។ ពីព្រោះរាល់ដែនឡូត៍នេសាទត្រូវបានប្រមុខរាជរដ្ឋាភិបាលប្រកាសកាត់់រំលាយសំរាប់ទុកអោយរាស្ត្រអស់ហើយ ។
នៅក្នុងអង្គពិធីវេទិកាផ្តល់មតិយោបល់សេរីនោះដែរ ឯកឧត្តម ម៉ៅ ភិរុន អភិបាលខេត្តកណ្តាលបាននាំនូវអំណោយជាថវិកាបន្តិចបន្តួច ចែកជូនដល់ប្រជាពលរដ្ឋដែលបានចូលរួមប្រមាណជាង៣០០នាក់ដោយក្នុង១នាក់ទទួលបាន១០០០០រៀល ៕
សហការី ហុក វិបុល
