ខេត្តកណ្តាល៖ យ៉ាងហោចណាស់មានមនុស្សរងរបួសធ្ងន់១ម្នាក់នឹង១ម្នាក់ទៀត បានស្លាប់បាត់បង់ជីវិតក្នុងថ្លុកឈាមយ៉ាងអណោចធម្ម៍ នៅកន្លែងកើតហេតុខណៈរថយន្តបុកនឹងម៉ូតូ ។
ប្រភពរបាយការណ៍ពីមន្ត្រីនគបាលចរាចរផ្លូវគោគស្រុកស្អាងបានអោយដឹងថានៅថ្ងៃទី២៣ខែមីនា ឆ្នាំ២០១៦ វេលាម៉ោង២០និង១៥នាទីយប់នៅចំណុចផ្លូវលេខ១១០ភូមិព្រែកតាតិន ឃុំស្វាយប្រទាល ស្រុកស្អាង ខេត្តកណ្ដាល មានរថយន្ត១គ្រឿង បានទៅបុកម៉ូតូដែលជិះឌុបគ្នាបណ្តាលអោយស្លាប់ នឹងរបួសម្នាក់ហើយអ្នកបើកបររថយន្តរត់គេចខ្លួនបន្ទាប់ពីហេតុការនោះ ។
មន្ត្រីនគរបាលផ្នែកចរាចរផ្លូវគោគស្រុកស្អាងបានប្រាប់ថាឈ្មោះចក់ អីង ភេទប្រុស អាយុ២២ឆ្នាំ មុខរបរៈកសិករ មានទីលំនៅភូមិអូរំចេក ឃុំស្វាយប្រទាល ស្រុកស្អាង ខេត្តកណ្ដាលបានស្លាប់នៅកន្លែងកើតហេតុភ្លាមៗហើយម្នាក់ទៀតរងរបួលធ្ងន់ត្រូវបញ្ជូនមកកាន់មន្ទីពេទ្យ។បើតាមដឹងពីលោកវរៈសេនីយ៍ទោ សេង សុជាតិ អធិការស្រុកស្អាងបានប្រាប់ថា
រថយន្តមួយគ្រឿងម៉ាកMIGHTY ពណ៍ ស ពាក់ផ្លាកលេខភ្នំពេញ 3D-4258 អ្នកបើកបរមិនស្គាល់អត្តសញ្ញាណ បានបើកបរពីត្បូងមកជើង មកដល់ចំណុចកើតហេតុខាងលើក៏បានបុកម៉ូតូម៉ាកហុងដា C125 ពណ៍ ខ្មៅ ពាក់ផ្លាកលេខភ្នំពេញ 1AY-5300 បើកបរដោយឈ្មោះ ចក់ អ៊ីង ដែលធ្វើដំណើរពីជើងទៅត្បូង គោលដៅបញ្ជ្រាស់ទិសគ្នា បណ្តាលអោយ ស្លាប់នៅកន្លែងនឹងអ្នករួមដំណើរម្នាក់ទៀតឈ្មោះ ខោល ធឿន ភេទប្រុស អាយុ២៣ឆ្នាំមុខរបរៈកសិករ មានទីលំនៅភូមិព្រែកតានុប ឃុំកំពង់ស្វាយ ស្រុកកៀនស្វាយ ខេត្តកណ្ដាលរងរបួស ធ្ងន់ ត្រូវសមត្ថកិច្ចនគបាលស្រុកហៅរថយន្តសាមុយមកដឹកជនរងគ្រោះមកកាន់មន្ទីពេទ្យ ចំណែកម៉ូតូនិងរថយន្ត ខូចខាតស្រាល អ្នកបើករថយន្តបានបញ្ឈប់ រថយន្តទុកចោលនៅក្បែកន្លែងកើតហេតុ ហើយរត់គេចខ្លួនបាត់ ។
រីឯសាកសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី
-ចំណែកម៉ូតូនិងរថយន្តខូចខាតស្រាល ហើយបានយក មករក្សាទុក នៅអធិការដ្ឋាន នគរបាលស្រុកស្អាង ដើម្បីកសាងសំណុំរឿងទៅ តាមនីតិវិធីច្បាប់ ៕
សហការី
