កណ្តាល ៖ ស្ពានបេតុងមួយកន្លែងប្រវែង១២ម៉ែត្រ និងផ្លូវលំមួយខ្សែប្រវែង៣០០ម៉ែត្រ ចូលទៅវត្តកោះតេជោ.ភូមិកោះតេជោ.ឃុំគគីរធំ.ស្រុកកៀនស្វាយ ដែលស្ថាបនាជួសជុលរួចរាល់ជាស្ថាពរ ត្រូវបានសម្ពោធដាក់ឲ្យប្រើប្រាស់ជាផ្លូវការ កាលពីព្រឹកថ្ងៃទី២២ ខែមីនា ឆ្នាំ២០១៦ ក្រោមអធិបតីភាពលោក ម៉ៅ សាមី ទីប្រឹក្សាសម្តេចក្រឡាហោម ស ខេង ឧបនាយករដ្ធមន្ត្រីក្រសួងមហាផ្ទៃ និងលោកជំទាវជាភរិយា ជុន សុជាតា ។ ពិធីនេះក៏មានការអញ្ជើញចូលរួមពីអាជ្ញាធរភូមិ.ឃំុព្រះគ្រូចៅអធិការវត្តគណះកម្មការអាចារ្យវត្តនិងពុទ្ធបរិសទ័ចំណុះជើងវត្តយ៉ាងច្រើនកុះករ។
លោក ម៉ៅ សាមី ទីប្រឹក្សាសម្តេចក្រឡាហោម ស ខេង បានមានប្រសាសន៍លើកឡើងថា ការកសាងស្ពានបេតុងប្រវែង១២ម៉ែត្រ និងជួសជុលផ្លូវលំប្រវែង៣០០ម៉ែត្រនេះ គឺទី១ដោយយល់ឃើញថា ភូមិកោះតេជោ គឺជាស្រុកកំណើតរបស់លោកទី២ រូបលោកធ្លាប់ឆ្លងកាត់ការលំបាកនៅក្នុងភូមិនេះ នារដូវទឹកឡើងលិចផ្លូវលិចស្ពាន ព្រោះអត់មានស្ពាន និងមានការជួយជ្រុំជ្រែង ពីព្រះគ្រូចៅអធិការវត្តកោះតេជោនេះ ទើបរូបលោកនិងពុទ្ធបរិសទ័ជិតឆ្ងាយនាំគ្នាឯកភាពចូលជាបច្ចយ័ជួសជុលនិងកសាងស្ពានបេតុងបើកទ្វាររំដោះទឹកនេះឡើង ។
លោក ម៉ៅ សាមី លើកឡើងបន្តថា ការកសាងស្ពាននេះគឺគោលបំណងចង់បម្រើឲ្យវិសយ័នៅក្នុងភូមិកោះតេជោ ដែលជាភូមិមួយធ្លាបកម្សត់កម្រពីមុនមក ឲ្យឈានទៅរកភាពងាយស្រួល ព្រោះស្រុកយើងមានសុខសន្តិភាព ហើយក្រោមការដឹកនាំរបស់គណបក្សប្រជាជនកម្ពុជាគឺចង់ឲ្យសំស្របនៅក្នុងភូមិមួយមានលក្ខណៈ សម្បត្តិមានរចនាសម្ពន្ធ័គ្រប់គ្រាន់ ដូចជាលោក ងោ សុវណ្ណ ប្រធានគណៈពង្រឹងឃុំ និងក្រុមការងារគណបក្សប្រជាជនកម្ពុជា បានកសាងផ្លូវបេតុងមួយខ្សែដ៍វែង នៅភូមិខាងមុខនេះ គឺជាឆន្ទៈរបស់គាត់ខ្ពស់ណាស់ ក្នុងការបំរើផលប្រយោជន៍ជូនប្រជាជននេះ គឺជាប្រវត្តសាស្ត្រ ហើយសម្រាប់ប្រជាជនរស់នៅក្នុងភូមិកោះតេជោនេះ ដែលមិនធ្លាប់មានពីមុនមកមិន ដែលមានខាងណាមកជួយក្រៅពីក្រុមការងារមន្ត្រីរបស់គណបក្សប្រជាជនកម្ពុជាទេ ។
លោក ម៉ៅ សាមី បញ្ជាក់បន្តថា ស្ពានផ្លូវគឺជាសរសៃឈាមសម្រាប់ផ្លាស់ប្តូរនូវសេដ្ឋកិច្ចចរាចរណ៍ដឹកជញ្ជូនទំនិញកសិផលផ្សេងៗ និងមនុស្សឫសត្វដើរឆ្លងកាត់ផ្លូវស្ពានដោយមិនប្រកាន់ពូជសាសន៍សម្បុរវណ្ណៈអ្វីទេ ។ ជាពិសេស ផ្លូវស្ពានដែលបើកសម្ភោធដាក់ឲ្យប្រើប្រាស់ក្នុងថ្ងៃនេះ គឺដើម្បីបង្កការងាយស្រួលដល់ប្រជាពលរដ្ធពុទ្ធបរិស័ទជិតឆ្ងាយមកធ្វើបុណ្យនៅក្នុងវត្តកោះតេជោនេះ ពេលថ្ងៃសិល្យ ឬពិធីបុណ្យផ្សេងៗ និងងាយស្រួលដល់សិស្សានុសិស្សធ្វើដំណើរទៅសាលារៀននៅជិតវត្តនោះផង ។
លោក ម៉ៅ សាមី ក៏សូមសំណូមពរដល់បងប្អូនប្រជាពលរដ្ធបន្ទាប់ ពីទទួលបានសមិទ្ធផលនេះ ហើយត្រូវចេជួយថែរក្សាផង ព្រោះនេះ គឺជាសម្បត្តិរួមសាធារណៈទាំងអស់គ្នា និងសូមឲ្យពលរដ្ធខ្មែរចេះស្រលាញ់គ្នាហើយត្រូវដឹងគុណអ្នកដែលជួយយើងៗត្រូវជួយគេវិញ ។
លោកគ្រូព្រះចៅអធការវត្តកោះតេជោព្រះនាម នី សាម៉ន បានមានសង្ឃដីការថា ស្ពានបេតុងនិងផ្លូវលំដែលបើកសម្ភោធដាក់ឲ្យប្រើប្រាស់នេះ គឺចាប់ផ្តើមកសាងតាំងពីថ្ងៃទី ២ ខែមីនា ឆ្នាំ២០១៦ រហូតមកដល់ពេលនេះ ហើយរួចរាល់ជាស្ថាពរដោយស្ពានមានប្រវែងបណ្តោយ១២ម៉ែត្រ គុណ៤ម៉ែត្រធ្វើអំពីបេតុងចំណាយទឹកប្រាក់អស់ចំនួន១៨៩៧ដុល្លារ ចាក់ដីជួសជុលផ្លូវលំចៅប្រវែង៣០០ម៉ែត្រ ចំណាយអស់ទឹកប្រាក់ចំនួន៤៥០០០០០រៀល ដែលជាបច្ចយ័បានមកពីការចូលរួមរបស់ពុទ្ធបរិស័ទសប្បុរសជនជិតឆ្ងាយ ជាពិសេសលោក ម៉ៅ សាមី និងភរិយានិងបុត្រាបុត្រី ។ ព្រះគ្រូចៅអធិការវត្តបញ្ជាក់ថាផ្លូវនេះគ្រាន់តែជួសជុលប្រើប្រាស់បណ្តេះអាសន្នទេព្រោះបន្តិចទៀតនិងមានគម្រោងចាក់បេតុងចេញពីក្លោងទ្វារវត្តមក ៕
ដោយ សហការី ហុក វិបុល
