ខេត្តរតនគិរី៖ ឯកឧត្តម លី ធុជ ទេសរដ្ឋមន្ត្រីបេសកជនពិសេសនិងជាប្រធានក្រុមការងារថ្នាក់ជាតិចុះជួយខេត្តរតនគិរី តំណាងដ៏ខ្ពង់ខ្ពស់ សម្តេចអគ្គសេនាបតីតេជោហ៊ុន សែនប្រមុខរាជរដ្ឋាភិបាលកម្ពុជាអមដំណើរដោយ លោក អ៊ុក សំអុល អភិបាលក្រុងបានលុងនិងលោកប្រធានមន្ទីរសាធារណៈការបានចុះជួបប្រជាពលរដ្ឋផ្ទាល់ដល់ការដ្ឋានធ្វើផ្លូវ១ខ្សែទំហំ៦ម៉ែត្រ×៨៧០ម៉ែត្រនិងលូចំនួន៣កន្លែងតាមសំណើររបស់ប្រជាពលរដ្ឋបានស្នើសុំក្នុងវេទិការសាធារណៈកាលពីពេលកន្លងទៅ។
ការអញ្ជើញចុះជំនួបរវាងឯកឧត្តម ទេសរដ្ឋមន្ត្រី រួមទាំងអភិបាលក្រុង បានប្រព្រិត្តទៅនៅព្រឹកថ្ងៃទី២០ខែ មិនា ឆ្នាំ២០១៦ស្ថិតក្នុងភូមិ ភ្នំស្វាយ សង្កាត់បឹងកន្សែង ក្រុងបានលុ ង ខេត្តរតនគិរី។ ឯកឧត្តមទេសរដ្ឋមន្ត្រីបានមានប្រសាសន៍ថា”ដោយមានការលើកឡើងរបស់ប្រជាពលរដ្ឋបានស្នើសុំទៅប្រមុខរាជរដ្ឋាភិបាលក្នុងវេទិការសាធារណៈនិងដោយមានការទទួចស្នើសុំ និងគិតគូរពីលោក អ៊ុក សំអុល អភិបាលក្រុងបានលុងបានឆ្លើយតបជូនប្រជាពលរដ្ឋដោយការយកចិត្តទុកដាក់ ឯកឧត្តម ទេសរដ្ឋមន្ត្រី បានពាំនាំពីនូវការគិតគូដល់បងប្អូនប្រជាពលរដ្ឋពីសំណាក់សម្តេចប្រមុខរាជរដ្ឋាភិបាលសម្រេចផ្តល់ជូនតាមសំណើររបស់ប្រជាពលរដ្ឋតាមរយ:មន្ទីរសាធារណៈការខេត្តផងដែរ ។
សូមបញ្ជាក់ផងដែរថាផ្លូវដែលបានបើកការដ្ឋានធ្វើជូនប្រជាពលរដ្ឋនៅចំណុចខាងលើជាប់និងរបងតំបន់ប្រតិបត្តិការសឹករងខេត្ត រតនគិរី ។ ដែលសាងសង់ចាក់ក្រាលកៅស៊ូកំរាស់២ជន់(DBST)រួមទាំងបានតភ្ជាប់បណ្តាញអគ្គិសនីជូនតាមសំណើររបស់ប្រជាពលរដ្ឋនៅព្រឹកថ្ងៃទី២០មិនាឆ្នាំ២០១៦នេះផងដែរ។
ប្រជាពលរដ្ឋបានសំដែងដឹងគុណនិងគារវកិច្ចត្រេកអរសាទរយ៉ាងខ្លាំង ឆ្លើយតបភ្លាមៗនៅចំពោះមុខឯកឧត្តមទេសរដ្ឋមន្ត្រីតំណាងរាជរដ្ឋាភិបាលនិងលោកអ៊ុកសំអុលអភិបាលក្រុងបានលុងដែលលោកបានបំរើសេវាសាធារណៈជូនប្រជាពលរដ្ឋដោយតែងតែគិតគូដល់សុខ~ទុក្ខរបស់ប្រជាពលរដ្ឋជារៀងរាល់ថ្ងៃ។
ប្រជាពលរដ្ឋបានបន្តថាចាប់ពីពេលនេះម៉ោងនេះតទៅគ្រួសារពួកគាត់ ជាពិសេសកូនប្រុស~ស្រីដែលតែងតែលំបាកក្នុងការធ្វើដំណើរចេញចូលទៅមកឬទៅរៀនក្តីនិងរកស៊ីទទួលទានប្រចាំថ្ងៃក្តីលែងបារម្ភទៀត ព្រោះផ្លូវស្អាតល្អបានកើតមានជុំវិញលំនៅឋានរបស់ពួកគាត់ហើយ ៕
សន ចានឌី
