ខេត្តរតនគិរី ៖ បន្ទាប់ពីរាជរដ្ឋាភិបាលចេញសេចក្តីសម្រេចលេខ០៩ ស ស រ ពីការរៀបចំនិងប្រព្រឹត្តទៅនៃគណកម្មការជាតិដើម្បីទប់ស្កាត់ និងបង្ក្រាបបទល្មើសព្រៃឈើនានា នៅភាគឦសាននៃប្រទេស ហើយស្រាវជ្រាវរកអ្នកពាក់ព័ន្ធនិងសកម្មភាពកាប់ឈើនាំចេញលើសច្បាប់ចាប់ជនល្មើសនិងវត្ថុតាងនៃបទល្មើសព្រៃឈើរៀបចំកសាងសំណុំរឿងបញ្ជូនទៅតុលាការតាមនិតីវិធីសហការណ៍ជាមួយវៀតណាម និងឡាវ ដើម្បីមានសហប្រតិបត្តិល្អ និងមានប្រសិទ្ធិភាពក្នុងករណីចាំបាច់ ហើយអោយបូកសរុបអំពីលទ្ធផលការងាររបស់គណកម្មាការជាតិជូនរាជរដ្ឋាភិបាល និងបំពេញភារកិច្ចផ្សេងដែលរាជរដ្ឋាភិបាលប្រគល់ជូន។ នោះអនុគណកម្មការខេត្តរតនគិរីបានអនុវត្តន៍ តែតាមបណ្តាក្រុមហ៊ុនមួយចំនួនតូចតែប៉ុណ្ណោះ។ ប៉ុន្តែគណៈកម្មការជាតិ និងអនុគណកម្មាការបង្ក្រាបបទល្មើសព្រៃឈើខេត្តរតនគិរីពុំទាន់អនុវត្តន៍គ្រប់គ្រងជ្រុងជ្រោយនោះទេ ដោយគេសង្កេតឃើញថាការអនុវត្តន៍តាមសេចក្តីសម្រេចខាងលើ ។
ជាក់ស្ដែងនៅចំណុចក្នុងទឹកអូរយិនតាយគេសង្កេតឃើញឈើកំណាត់និងឈើសន្លឹក ជាច្រើនប្រភេទឈើសុក្រំឈើ ផ្ចិត។ ចំពោះឈើដែលគេគរទុកជាច្រើនគំនររួមមានឈើឡាំងរួចជា៤ជ្រុងដូចជាសុក្រំ ឈើកាត់គល់ កាត់ចុងឈើ ផ្ចិតឈើ ថ្លុង និងឈើទាលជាច្រើនពាន់ម៉ែត្រគូបគរទុកសំរាប់ដឹកជញ្ជូនចេញទៅវៀតណាមនៅពេលដែលសភាពការណ៍ស្ងប់ស្ងាត់។ ហើយឈើទាំងនោះត្រូវគរទុកច្ករបៀងដូចជា ប៉ុស្តិ៍ខ្លាធំ អូរបឿក អូរតាង៉ន អូរតាង៉ៃ អូរយិនតាយ អូរលាវ ចំណុចទាំងនោះស្ថិតនៅក្នុងស្រុកអូរយ៉ាដាវ ជាប់ព្រំប្រទល់ស្រុកលំផាត់ និងស្រុកកោះញែក ខេត្តមណ្ឌលគិរី។ ប្រភពពត៌មាន ផ្សេងទៀតអោយយើងដឹងថាមានជនជាតិវៀតណាមកំពុងតែមានគ្រឿងចក្រចូលមកដឹកជន្លុងម្រេចនៅពេលយប់ និងសំលេងរណាយន្តលាន់ឮរំពងពាសពេញព្រៃនៅពេលយប់ផង ហើយគេដឹកជញ្ជូនទៅប្រទេសវៀតណាម ។
លោកម៉ា វិចិត្រ អភិបាលស្រុកអូរយ៉ាដាវបានអោយដឹងថា ករណីនេះលោកបានចុះធ្វើការងារនេះបានចំនួន៣លើករួចហើយ ថែមទាំងធ្វើរបាយការណ៍សុំគោលការសុំកម្លាំងជំនាញពាក់ព័ន្ធនិងថវិការដើម្បីធ្វើការចុះបង្ក្រាបជាយូរមកហើយ តែមកដល់ពេលនេះនៅតែមិនទាន់មានចំណាត់ការនោះទេ។លោកបន្តថាបញ្ហានេះពាក់ព័ន្ធដល់វរៈនគបាលការពារព្រំដែនគោកលេខ៦២៣ និងមូលដ្ឋានទ័ពការពារព្រំដែនគោកអតីតវរលេខ១០២។
នាយខណ្ឌរដ្ឋបាលព្រៃឈើខេត្តរតនគិរីលោក កែប កត់ ដែលមានប្រសាសន៍តាមទូរស័ព្ទនៅវេលាម៉ោង១២ថ្ងៃទី១៤មីនាឆ្នាំ២០១៦នេះថាករណីនេះលោកនឹងអោយកម្លាំងជំនាញចុះទៅមើល។ គេកំពង់តែឆ្ងល់ថាទីតាំងដែលមានគំនរឈើច្រើនសន្ធឹកសន្ធាប់មានកម្លាំង ប៉េ អ៊ឹម ៥ទៅ៦នាក់មានភារកិច្ចបង្ក្រាបបទល្មើសព្រៃឈើរ៉ឺមួយកាងបទល្មើសព្រៃឈើ ៕
សន ចាន់ឌី
