ខេត្តបាត់ដំបង និងប៉ៃលិន ៖ ប្រជាកសិករជាច្រើននាក់ទាំងអ្នករស់នៅខេត្តបាត់ដំប ង និងខេត្តប៉ៃលិន បានសម្តែងការមិនពេញចិត្ត ចំពោះភាស៊ីចំណតរថយន្តមួយកន្លែង ដែ លគេដាក់ចាំទារលុយពីរថយន្តកសិករ ដែលដឹកកសិផល ឆ្លងដែនពីស្រុកសំឡូតទៅលក់ដូរតាមស្តង់នានាក្នុងខេត្តប៉ៃលិន ។
ការដាក់ភាស៊ី (កុងត្រូលជជុះ) ចាំទារលុយពីកសិករនេះ ធ្វើឡើងជាយូរថ្ងៃខែមកហើយ ជាពិសេសឱ្យតែដល់រដូវប្រមូលផលពោត និងដំឡូងមី ដោយគេតម្រូវឱ្យបង់ប្រាក់ចាប់ពី៣ពាន់រៀល រហូតដល់១ម៉ឺនរៀល តាមរថយន្តតូច ឬធំ បើពុំដូច្នោះទេ គេមិនអនុញ្ញាតឱ្យដឹកកសិកផលទៅលក់ដូរបាននោះឡើយ ដោយអ្នកយាមកន្លែងនោះអះអាងថា អភិបាលស្រុកសំឡូត ជាអ្នកបញ្ជាឱ្យយកភាស៊ីថ្លៃកសិផលខាងលើ ។
បើតាមប្រជាពលរដ្ឋជាច្រើននាក់ ដែលដឹកកសិផលពោត និងដំឡូងមីបានឱ្យដឹងកាលពីព្រឹកថ្ងៃទី១៥ ខែមីនា ឆ្នាំ២០១៦នេះថា ចំណតភាស៊ី (កុងត្រូលជជុះ) ដែលគេដាក់ចាំទារលុយពីពួកគាត់ ស្ថិតនៅក្នុងភូមិកំពង់ទូក ឃុំមានជ័យ ស្រុកសំឡូត ខេត្តបាត់ដំបង នៅជាប់នឹងព្រំប្រទល់ ភូមិភ្នំដំបង សង្កាត់អូរតាវ៉ៅ ក្រុងប៉ៃលិន ដោយត្រូវបានគេដាក់ប្រចាំការនៅទីនោះជាយូរថ្ងៃខែឆ្នាំមកហើយ ដើម្បីទារលុយពីប្រជាកសិករទាំងអស់ ដែលដឹកកសិផល ឆ្លងដែនចូលទៅលក់ដូរនៅខេត្តប៉ៃលិន កាត់តាមចំណុចនោះ ដោយក្នុង១រថយន្តច្នៃតូចចំណុះពីរទៅបីតោន គេទារចំនួន៣ពាន់រៀល បើរថយន្តច្នៃធន់កណ្តាលគេទារឱ្យប ង់ ៥ពាន់រៀល រហូតដល់រថយន្តយីឌុប គេទារឱ្យបង់ចំនួន១ម៉ឺនរៀលឯណោះ ។
ពួកគាត់ បន្តទៀតថា បើដឹក១ថ្ងៃពីរជើង ម្ចាស់រថយន្តត្រូវតែបង់ប្រាក់ចំនួនពីរដងដែរ ដោយមិនមានការយោគយល់នោះឡើយ បើសិនជាមិនបង់ប្រាក់ទេ មិនអនុញ្ញាតិឱ្យពួកគាត់ដឹកកសិផលចូលទៅលក់ដូរនៅតាមស្តង់ពោត ឬដំឡូងមីក្នុងខេត្តប៉ៃលិនបាននោះឡើយ ។ ពួកគាត់ប ញ្ជាក់ទៀតថា បើសិនជាទារថ្លៃភាស៊ីចំណតរថយន្តបែបនេះ ពួកគាត់គ្មានសល់លុយកាក់អ្វីបន្តិចនោះឡើយ ខណៈនៅឆ្នាំនេះការដាំដំឡូងមី ចុះថយទិន្នផល និងតម្លៃធ្លាក់ចុះ លុះមា នភាស៊ីចំណតរថយន្ត (កុងត្រូលជជុះ)ថែមទៀត ពួកគាត់កាន់តែមានការលំបាកយ៉ាងខ្លាំងក្នុងការប្រកបរបរចិញ្ចឹមជីវិត ។
ពួកគាត់សំណូមពរឱ្យអាជ្ញាធរខេត្តទាំងពីរចុះត្រួតពិនិត្យចំ ពោះកុងត្រូលជជុះមួយកន្លែងនេះផង ព្រោះចំណតភាស៊ីរថយន្ត គេដាក់តែកន្លែងអ្នកបើក បររថយន្តឈ្នួលប៉ុណ្ណោះ នេះពួកគាត់ដឹកពីចម្ការរបស់ខ្លួនទៅលក់ដូរនៅខេត្តផ្សេងទេ ។
បើតាមសម្តីរបស់យុវជនម្នាក់ ឈ្មោះ សុជាតិ អាយុ២៤ឆ្នាំ ជាអ្នកឈរចាំយកលុយកន្លែងភាស៊ីខាងលើ បានឱ្យដឹងថា ពួកគេមិនបានយកលុយពីអ្នករត់តាក់ស៊ីដែលបើកបរឆ្លងកាត់ទៅមកនោះទេ គឺយកលុយតែប្រជាពលរដ្ឋដែលដឹកកសិផលឆ្លងកាត់ពីស្រុកសំឡូត ទៅលក់នៅក្រុងប៉ៃលិនប៉ុណ្ណោះ ហើយការយកលុយថ្លៃភាស៊ីនេះគឺអភិបាលស្រុកសំឡូតជាអ្នកបញ្ជាឱ្យយក ទើបពួកគេប្រមូលលុយពីប្រជាពលរដ្ឋដែលដឹកកសិផលទាំងនោះតែម្តង ។
ពាក់ព័ន្ធទៅនឹងបញ្ហានេះ លោក អ៊ិន សាវរិទ្ធិ អភិបាលស្រុកសំឡូត បានឱ្យដឹងកា លពីរសៀលថ្ងៃទី១៥ ខែមីនា កន្លងទៅនេះថា ខាងលោកអត់បានដឹងរឿងនេះទេ ហើយក៏មិនបានបញ្ជាឱ្យនរណាម្នាក់ដាក់ប៉ុស្តិ៍ កុងត្រូល យកភាស៊ីចំណតរថយន្តពីប្រជាពលរដ្ឋដឹ កកសិកផលទាំងនោះដែរ ប្រហែលជាខាងភាស៊ីចំណតរថយន្តទេដឹង ជាអ្នកយកភាស៊ីនោះ ៕ ដោយ ៖ អ៊ុក ទូច
