ភ្នំពេញ ៖ អ្នកកាសែត៤នាក់ត្រៀមប្តឹងក្មេងស្ទាវប៉ុនប៉ងគប់រថយន្តទៅតុលាការ ក្រុមអ្នកកាសែតចំនួន៤រូបដែលមកពីស្ថាប័នផ្សេងគ្នា ក្នុងនោះមាន ស្ថានីយ៏ទូរទស្សហង្សមា ស្ថានីយទូរទស្សន៏ស៊ីអិនស៊ី(CNC) ស្ថានីយទូរទស្សន៏ប៉ុស្ត៏លេខ៣(TV3) និងទូរទស្សន៏ និងទូរទស្សន៏ប៉ុស្ត៏លេខ៨(CTV8 HD) ត្រៀមប្តឹងទៅសមត្ថកិច្ច និងព្រះរាជអាជ្ញាសាលាដំបូងរាជធានី ប្តឹងក្មេងស្ទាវម្នាក់ ដែលប៉ុនប៉ងគប់មកលើរថយន្តរបស់ពួកគេ។
លោក ពុជ វណ្ណៈ អ្នកយកពត៌មានទូរទស្សន៏ហង្សមានប្រចាំខេត្តកណ្តាល បានឲ្យដឹងថា កាលពីវេលាម៉ោង៧និង២០នាទីព្រឹកថ្ងៃទី ១៣ ខែមិនា ឆ្នាំ២០១៦នេះ លោកបានបើករថយន្តរបស់លោករួមនឹងអ្នកសារពត៌មាន៣នាក់ខាងលើនោះ ដើម្បីទៅយកពត៌មាន ស្តីអំពីការសម្ភោធន៏ឧបដ្ឋានសាលានៅក្នុងវត្តកោះចារ៉ាម នៅក្នុងឃុំកោះចារ៉ាម ស្រុកខ្សាច់កណ្តាល។
ពេលធ្វើដំណើរទល់ដល់ចំណុចមាត់ទន្លេ ត្រង់ម្តុំហាងបារាំង ស្ថិតក្នុងខណ្ឌដូនពេញ រាជធានីភ្នំពេញ លោកបានស៊ីផ្លេរថយន្តដើម្បីសុំផ្លូវពីក្មេងស្ទាវមួយរូបពុំស្គាល់ឈ្មោះ ដើម្បីសុំផ្លូវដោយសារក្មេងនោះជិះយឺតនៅលើផ្លូវរថយន្ត គ្រាន់តែស៊ីផ្លេសុំផ្លូវរួច ស្រាប់តែក្មេងនោះបញ្ចេញចរិតក្រអើតក្រទម ហើយស៊ីផ្លេម៉ូតូរបស់ខ្លួនដេញតាមរហូត ដល់ចំណុចរង្វង់មូលវត្តភ្នំស្រាប់តែគេបើកអាចប្រៀបចង់បង្ហាញថា មានកាំភ្លើងខ្លីនៅចង្កេះ ហើយបត់ចូលរង្វង់មូលរើស ដុំថ្មដេញតាមរថយន្ត និងបានជិះមកអែបរថយន្តសុំឡឹងមើលមុខ ដូចជាចង់ឌឺដងផ្លែផ្លា ពេលនោះលោកបានអែបរថយន្តឈប់សួររកខុសត្រូវ តែបែជាក្មេងនោះមិនឈប់ ហើយជិះម៉ូតូទៅចាំគប់ខាងមុខ ប៉ុន្តែដោយសារមានសមត្ថកិច្ចនិងមនុស្សច្រើនផង ធ្វើឲ្យក្មេងនោះអាក់ខាន ការប៉ុនប៉ងគប់មកលើរថយន្ត។
លោកថា ពេលនោះ លោកការបានបត់ឡើងស្ពានជ្រោយចង្វារ ហើយក៏លែងឃើញក្មេងនោះតាមមិនដឹងទៅទីណា ទើបលោកបន្តដំណើរទៅថតកម្មវិធីសម្ភោធឧប្បដ្ឋានសាលា ប៉ុន្តែបាន គេស្តីបន្ទោសដោយសារទៅក្រោយ កម្មវិធីសម្ភោធន៏ ក្រោមអធិបតីឯកឧត្តមបណ្ឌិត ជួ វិជិត្ត រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ។
លោកថាករណីនេះ លោករួមនឹងអ្នកកាសែត៣នាក់ទៀត និងប្តឹងពីបទប៉ុនប៉ងបង្ករហឹង្សាដោយចេតនាដែលនាំឲ្យប៉ះពាល់ដល់ពេលវេលាធ្វើការរបស់ពួកគេ។
យ៉ាងនេះក្តីក្មេងស្ទាវដែលជិះម៉ូតូរំខាននោះ បានមកសារភាពកំហុសនិងបានសុំទោស ប៉ុន្តែលោកថាការសុំទោស មិនសមទៅនឹងកំហុសដោយចេតនានេះឡើយ គឺស្នើសុំទៅអាជ្ញាធរនិងស្ថាប័នអយ្យការមេត្តាដោះស្រាយចាត់វិធានការតាមផ្លូវច្បាប់ ៕
