មណ្ឌលគិរី ៖ ក្រុមការងារសប្បុរសធម៌ខ្លីខ្លឹម ដែលដឹកនាំដោយក្រុមអ្នកសារព័ត៌មានខេត្តមណ្ឌលគិរី បាននាំយកអំណោយរបស់សប្បុរសជន ទៅចែកជូនដល់លោកយាយទុរគតជនពីរនាក់ ម្នាក់រស់នៅភូមិមានជ័យ ឃុំស្រែសង្គម ស្រុកកោះញែក ដែលកំពុងមានបញ្ហាសុខភាពធ្ងន់ធ្ងរ ដេកឈឺជាងមួយសប្តាហ៏ងើបពីកន្ទេលមិនរួច ហើយគាត់រស់នៅតែម្នាក់ឯង និងម្នាក់ទៀតគាត់ក៏មានជំងឺជាទម្ងន់ រស់នៅតែពីរនាក់កូនប្រុសម្នាក់គថ្លង់ នៅភូមិដេអេ ឃុំពូជ្រៃ ពេជ្រាដា។សកម្មភាពនេះបានធ្វើឡើងនៅថ្ងៃទី១៥ មិនា ២០១៦ នេះ។
លោក សឹម សុន មេភូមិមានជ័យ ឃុំស្រែសង្គម បានមានប្រសាសន៏ថា លោកយាយដែលកំពុងជួបប្រទះបញ្ហាជីវភាព នឹងមានជំងឺប្រចាំកាយខាងលើ មានឈ្មោះ ប៉ូ សំអាត អាយុ៨១ឆ្នាំរស់នៅភូមិមានជ័យ ឃុំស្រែសង្គម ស្រុកកោះញែក គាត់រស់នៅម្នាក់ឯងគ្មានទីពឹង។លោកបានបន្តថា សព្វថ្ងៃលោកយាយបានអ្នកភូមិម្នាក់ ធ្វើរោងតពីយ៉ាបជង្រុកស្រូវសម្រាប់គាត់ស្នាក់នៅ អស់រយៈពេលជាង១០ឆ្នាំមកហើយ ដោយមិនមានកូនចៅនឹងគេទេ។
អំណោយដែលក្រុមការងារមនុស្សធម៏ខ្លីខ្លឹម ដឹកនាំដោយអ្នកកាសែតក្នុងខេត្តមណ្ឌលគិរី បាននាំយកអំណោយទៅចែកជូនលោកយាយ ប៉ូ សំអាត រួមមានអង្ករ៥០គីឡូក្រាម មី៥កេះ ប្រេងឆា១ដប អំបិល១០ដប់គីឡូ ទឹកដោះគោ២ឡូ ត្រីខកំប៉ុង៣យួ ប្រេងក្រឡា៦ប្រអប់ ប៊ីចេង១កញ្ចប់ ទឹកស៊ីអ៊ីវ១យួ ថវិកា៥០ម៉ឺនរៀល។
ចំណែកលោកយាយឈ្មោះ កែវ ណៅ អាយុ៦៨ឆ្នាំ រស់នៅភូមិដេអេ ឃុំពូជ្រៃ ស្រុកពេជ្រាដា ក្រុមការងារបានឧបត្ថម្តថវិកាចំនួន២៥៦ ០០០រៀល នឹងមី២កេះ ទឹកផ្លែឈើ១កេះ អំបិល២កញ្ចប់ ប្រេងឆា១ដប ប្រេងក្រឡា៤ប្រអប់ ត្រីខ២យួ ទឹកស៊ីអ៊ីវ១យួ ទឹកដោះគោឆៅ១ឡូ ស្ករ.ស១កញ្ចប់ ប៊ីចេង២កញ្ចប់។
អំណោយទាំងនោះទទួលបានមកពីសប្បុរសជនឈ្មោះ លោក ចាន់នី ចាន់ណុប ថវិកា១៧០ ០០០រៀល ទឹកដោះគោ៦កំប៉ុង លោកវ៉ាន់ ទិត្យ មី២កេះ ប៊ីចេង១កញ្ចប់ អ្នកស្រី ស្រ៊ុន ណាវី អាជីវករផ្សារកែវសីមាថវិកា២០០ ០០០រៀល ទឹកស៊ីអ៊ាវ១យួ ទឹកដោះគោ២ឡូ មី១កេះ អ្នកស្រី ពិន ស្រីលីន អាជីវករផ្សារកែវសីមាថវិកា១០០ ០០០រៀល លោក មាគ វុឌ្ឍី ប្រធានគំរោងព្រៃការពារអភិរក្សជីវចម្រុះសីមា២០ដុល្លា លោក ស្រ៊ុន សុធារឹទ្ឋ ប៉ូលិសព្រំដែនឡាប៉ាខេ ៨០ ០០០រៀល ចែ អែម ស្រុកកែវសីមា៣០ ០០០រៀល លោកតេត សារ៉េត ថវិកា១០០ ០០០រៀល លោក ប្រែង ផល្លា អំបិល១០គីឡូក្រាម លោក សាយ ករុណា អង្ករ៥០គីឡូក្រាម មី២កេះ លោកសាត ចាន់បុត្រ ត្រីខ១យួ ទឹកគោឆៅ១យួ ទឹកផ្លែឈើ១កេះ៕
ដោយ៖ គឹម ចំរើន
