ឧត្តរមានជ័យ ៖ នារសៀលថ្ងៃទី២ កញ្ញា ឆ្នាំ២០២០ នៅឪកាសអបអរសាទរពិធីបុណ្យភ្ជុំបិណ្ឌចូលមកដល់នាពេលខាងមុខ ឯកឧត្តម ស៊ិន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង សាធារណការ និងដឹកជញ្ជូន ចុះសាកសួរសុខទុក្ខដល់មន្ត្រីរាជការ បុគ្គលិក កម្មករ នៃមន្ទីរ សាធារណៈការនិងដឹកជញ្ជូនខេត្តឧត្តរមានជ័យ ព្រមទាំងមានការអញ្ជើញចូលរួមអមដំណើរដោយរដ្ឋលេខាធិការ ទីប្រឹក្សា អគ្គនាយកដ្ឋាន នៃក្រសួងសាធារណការ និងដឹកជញ្ជូន ឯកឧត្តម ប៉ែន កុសល្យអភិបាលនៃនៃគណៈអភិបាលខេត្តឧត្តរមានជ័យ ឯកឧត្តម ស៊ី ប្រាសិទ្ធិ ប្រធានក្រុមប្រឹក្សាខេត្ត មន្ត្រីរាជការ នៃមន្ទីរសាធារណការនិងដឹកជញ្ជូនខេត្ត។
លោក ឈឿង ផល្លា ប្រធានមន្ទីរសាធារណការនិងដឹកជញ្ជូនខេត្តឧត្តរមានជ័យ តាងនាមអោយមន្ត្រីបុគ្គលិកនៃមន្ទីរសាធារណការនិងដឹកជញ្ជូន បានថ្លែងអំណរគុណយ៉ាងកក់ក្ដៅចំពោះទេសរដ្ឋមន្ត្រី ស៊ុន ចាន់ថុល និងប្រតិភូក្រសួងសាធារណការ និងដឹកជញ្ជូន ដែលបានឈ្លៀតពេលវេលាដ៏មានតំម្លៃចុះមកសាកសួរសុខទុក្ខនិងសំណេះសំណាល មិនតែប៉ុណ្ណោះបាន ពាំនាំនូវថវិការ ដល់មន្ត្រី បុគ្គលិក កម្មករ នៃមន្ទីរ។
មានប្រសាសន៍ស្វាគមន៍នាឪកាសនោះឯកឧត្តម ប៉ែន កុសល្យ អភិបាលនៃគណៈអភិបាលខេត្តឧត្តរមានជ័យ ថ្លែងអំណរគុណដល់វត្តមានដ៍ខ្ពងខ្ពស់របស់ទេសរដ្ឋមន្ត្រីដែលបានឆ្លៀតពេលដ៍មានតម្លៃអញ្ជើញសំណេះសំណាលជាមួយមន្ត្រីរាជការ បុគ្គលិក កម្មករ នៃមន្ទីរសាធារណការនិងដឹកជញ្ជូនខេត្តនាពេលនេះក្នុងគោលបំណងពង្រឹងប្រសិទ្ធភាពការងារនិងបង្កើនភាពស្និតស្នាល ប្រកបដោយស្មារតីទទួលខុសត្រូវខ្ពស់ ទាំងនេះគឺព្រឹត្តិការណ៍ដ៏មានសារៈសំខាន់សម្រាប់ថ្នាក់ដឹកនាំនិងមន្ត្រីរាជការក្នុងខេត្ត និងយកបទពិសោធន៍ចំណេះដឹងថ្មីៗបន្ថែមទៀ។
ក្នុងឱកាសនោះ ទេសរដ្ឋមន្ត្រី ស៊ុន ចាន់ថុល បានពាំនាំនូវការផ្តាំផ្ញើរសាកសួរសុខទុក្ខចំពោះមន្ត្រី រាជការ បុគ្គលិក កម្មករ នៃមន្ទីរសាធារណៈការនិងដឹកជញ្ជូនខេត្តនៃយើងដែលបានចូលរួមគាំទ្រការពាររាជរដ្ឋាភិបាលស្របច្បាប់ដឹកនាំដោយសម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។ ដោយប្រទេសជាតិយើងមានការរីកចំរើន គឺដោយសារសុខសន្តិភាពប្រទេសជាតិយើងមានការរីកចំរើន គឺដោយសារមានសុខសន្តិភាព ក្រោមនយោបាយឈ្នះឈ្នះរបស់សម្តេចតេជោ បាននាំមកវិញ នូវសន្តិសុខ សណ្ឋាប់ធ្នាប់ សន្តិភាព ដែលបានផ្តល់ឱកាសដល់រាជរដ្ឋាភិបាលទាក់ទាញអ្នកទេសចរណ៍ អ្នកវិនិយោគមកដាក់ទុន អ្នកនៅកម្ពុជាដើម្បីបង្កើនការងារដល់ប្រជាពលរដ្ឋ និងមានឱកាសនាំកសិផលផលិផលទៅលក់នៅទីផ្សារអន្តរជាតិ។ ហើយបើពុំមានសុខសន្តិភាព ទេ គឺយើងមានគ្មានឱកាស កសាងហេដ្ឋារចនាសម្ព័ន្ធផ្លូវថ្នល់ ប្រព័ន្ធស្រោចស្រប វត្តអារាម មន្ទីរពេទ្យ និងសាលារៀនជាដើម។
ទេសរដ្ឋមន្ត្រី ស៊ុន ចាន់ថុល បានលើកឡើងថា បើទោះបីជាប្រទេសកម្ពុជាយើង កំពុងទទួលរងជំងឺឆ្លងដ៏កាចសាហាវកូវីដ-១៩ តែក្រសួងនៅតែបន្តកសាងផ្លូវ ឬផ្អាក់ការអភិវឌ្ឍន៍គម្រោងណាមួយឡើយ ផ្លូវជាតិលេខ ៥ ពីព្រែកក្តាមទៅបាត់ដំបង សេរីសោភ័ណ្ឌ កំពុងកសាង និងកំពុងរៀបចំបន្តទៅក្រុងប៉ោយប៉ែត ផ្លូវជាតិលេខ ៣ ភ្នំពេញទៅខេត្តកំពតកំពុងកសាង ផ្លូវលេខ ១០ ពីសំឡូត វាលវែង និងកោះកុងកំពុងកសាង ស្ពានស្ទឹងត្រង់កំពុងកសាង ផ្លូវលេខ ២ និង២២ ពីភ្នំពេញ តាកែវ កំពុងកសាង ផ្លូវល្បឿនលឿនភ្នំពេញខេត្តព្រះសីហនុកំពុងកសាង ផ្លូវលេខ១៤៦ ពីវង្វង់មូលសម្តេចសង្ឃទេព្យវង្សទៅកំពង់ផែកំពុងកសាង និងផ្លូវជាច្រើនខ្សែរទៀតនៅក្រុងព្រះសីហនុកំពុងដំណើរការសាងសងជាបន្តទៀត ហើយយើងកំពុង ត្រៀមបើកការដ្ឋានសាងសង់ជាបន្តទៀតដូចជា ផ្លូវលេខ៣១ លេខ៣៣ លេខ៤១ លេខ៤៨ និងផ្លូវជាច្រើនខ្សែរនឹងបន្តពង្រីកបន្ថែមទៀត។
ជាចុងបញ្ចប់ទេសរដ្ឋមន្ត្រីបានផ្តល់ថវិការដល់បុគ្គលិក កម្មករ ក្នុងម្នាក់ទទួលបានថវិកា១០មឺុនរៀលផងដែរ។
