ឧត្តរមានជ័យ ៖ បុរសម្នាក់ខឹងឪពុក និយាយច្រើនក្នុងវង់ផឹកស៊ីយកដំបងគប់ឪពុក បែរជាចំត្រូវបុរសម្នាក់ទៀត ទើបដើរចេញពីវង់ផឹកអោយរបួស ហើយជនបង្កត្រូវសមត្ថកិច្ចនាំខ្លួនទៅអធិការរដ្ឋាននគរបាលស្រុក កាលពីម៉ោង ៥ និង ៤៩ នាទីថ្ងៃទី ២០ ខែ ធ្នូ ឆ្នាំ ២០១៤ ភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។
សមត្ថកិច្ចបានអោយដឹងថា ជនបង្កមានឈ្មោះ ឌឿន បូរី អាយុ២៤ឆ្នាំ ស្រុកកំណើតរស់នៅភូមិទួលសំបូរ ឃុំត្រពាំងព្រីង ស្រុកតាបែ ខេត្តត្បូងឃ្មុំ បច្ចុប្បន្នបានមកទិញដី រស់នៅភូមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ។ ចំណែកជនរងគ្រោះឈ្មោះ ប្រាក់សុធា អាយុ ៤២ ឆ្នាំ ជាជនរងគ្រោះរស់នៅភូមិរុំដួលជើងភ្នំ សង្កាត់កូនក្រៀល ក្រុងសំរោង ខេត្តឧត្តរមានជ័យ ។
សាក្សីនៅកន្លែងកើតហេតុបានអោយដឹងថា មុនពេលកើតហេតុ១ ឈ្មោះ ប៉ាន់ ថុក ២ ឈ្មោះ កេង ឃឿន ទី៣ឈ្មោះ ឌឿន បូរី ទី៤ ឈ្មោះ ឌឿន ជាឪពុកជនបង្កនៅផឹកស៊ីជុំគ្នា ។
នៅពេលអង្គុយផឹកស្រាគ្នា ៤ នាក់ ពួកគេបានស្រែកហៅ ឈ្មោះ ប្រាក់ សុធា អោយចូលរួមផឹកស្រា ខណៈ ឈ្មោះ ប្រាក់ សុធា កំពុងដើរទៅបេះស្លឹកស្តៅ យកមកហូបនៅពេលល្ងាច ។ ពេលនោះប្រាក់សុធាផឹកស្រាបាន២កែវក៏ដើរចេញទៅវិញ រីឯកូនម្ចាស់ផ្ទះឈ្មោះ ឌឿន បូរី ខឹងឪពុកនិយាយច្រើនក្នុងវង់ផឹកស៊ី បានទាញដំបងចោលគប់ឪពុកឈ្មោះ ឌឿន ពីលើផ្ទះ តែមិនចំ បែរជាចំត្រូវក្បាល ប្រាក់ សុធា បែកក្បាលហូរចេញឈាម ។ ឈ្មោះ ប្រាក់ សុធា បែកឈាមហូរយ៉ាងខ្លាំង ស្រែកឲ្យគេជួយ
នៅពេលនោះបងប្អូនជិតខាងបាននាំយកមកផ្តឹងមេភូមិមេភូមិបានរាយការណ៍បន្តទៅថ្នាក់លើទៀត ព្រលប់ថ្ងៃទី ២០ ខែធ្នូ ឆ្នាំ ២០១៤លុះដល់ម៉ោង ៧:៣០ នាទី លោកអធិការក្រុងសំរោងបានមកដល់កន្លែងកើតហេតុ បាននាំខ្លួនជនបង្ករ ២ នាក់ ឳពុក និងកូនទៅអធិការដ្ឋាន ដើម្បីដោះស្រាយតាមផ្លូវច្បាប់ ៕
ឧត្តរមានជ័យ
