កណ្តាល ៖ រថយន្តវីហ្គោមួយគ្រឿងបើកបរបោះពួយយ៉ាងលឿនជ្រុលចង្កូចប្រលះ រ៉ឺម៉កម៉ូតូដឹកជ្រូក ពីក្រោយក្នុងទិសដៅស្របគ្នា បណ្តាលឲ្យមនុស្សម្នាក់ស្លាប់នៅនឹងកន្លែងកើតហេតុ និង២នាក់ទៀតរងរបួសស្រាល ។
ហេតុការណ៍គ្រោះថ្នាក់ចរាចរណ៍នេះ កើតឡើងកាលពីវេលាម៉ោង០៥និង៣០នាទីថ្ងៃទី០៤ខែមីនាឆ្នាំ២០១៦លើដងផ្លូវជាតិលេខ១ចំណុចចន្លោះបង្គោលគីឡូម៉ែត្រលេខ៤៧.៤៨ស្ថិតក្នុងភូមិសំរោងក្អែ.ឃំុសំរោងធំ.ស្រុកកៀនស្វាយ.ខេត្តកណ្តាល។
ជនរងគ្រោះទី១.ឈ្មោះខាន់ឆិលភេទប្រុសអាយុ៤៦ជនជាតិខ្មែរមុខរបរអ្នកទិញជ្រូកមានទីលំនៅភូមិកោះតេជោ ឃុំសំរោងធំ ស្រុកកៀនស្វាយ ជាអ្នកបើករ៉ឺម៉កស្លាប់នៅនឹងកន្លែង ។ ទី២ឈ្មោះ នង ម៉ៃ ភេទប្រុសអាយុ៤៣ឆ្នាំ ជនជាតិខ្មែរមុខរបរ ទិញជ្រូកជាអ្នករួមដំណើរជាមួយរ៉ឺម៉ក មានទីលំនៅជាមួយគ្នា បានរងរបួសស្រាល ត្រូវក្រុមគ្រួសារដឹកយកទៅព្យាបាលនៅមណ្ឌលសុខភាពគគីរធំ ។ ចំណែករថយន្តបង្កម៉ាកវីហ្គោព ណ៏ខ្មៅ ពាក់ស្លាកលេខភ្នំពេញ២R ៨៨៩៧ បើកបរដោយជនជាតិចិន ឈ្មោះ អេមេរិកអីងយី ភេទប្រុសអាយុ៤៧ឆ្នាំរបួសស្រាល ។
ប្រភពព័ត៌មាននិយាយថា មុនពេលកើតហតុគេឃើញភាគីរ៉ឺម៉កម៉ូតូដឹកជ្រូកជិះគ្នា២នាក់ ដោយដឹកទ្រុងដាក់ជ្រូកទទេ គ្មានជ្រូកបើកបរក្នុងទិសដៅពីអ្នកលឿង ភ្នំពេញ ។ ពេលមកដល់ចំណុចកើតហេតុខាងលើ ស្រាប់តែរថយន្តវីហ្គោបើកបរដោយជនជាតិចិនបោះពួយយ៉ាងលឿនមកបុករ៉ឺម៉ក ដែលកំពុងធ្វើដំណើរស្របគ្នាចំពីចំហៀងផ្នែកខាងក្រោយពេញទំហឹង បណ្តាលឲ្យធ្លាក់ទាំងរ៉ឺម៉កម៉ូតូ និងរថយន្តទៅចិញ្ចើមថ្នល់បុកនិងដើមសង្កែ រងការខូចខាតយ៉ាងដំណំ រីឯមនុស្សស្លាប់ម្នាក់របួសស្រាល២នាក់ ។ ក្រោយកើតហេតុ នគរបាលជំនាញសហការជាមួយនគរបាលប៉ុស្ត៍ និងកម្លាំងប៉េអឹមរួមនិងមេភូមិដឹកនាំកម្លាំងប្រជាពារភូមិចុះអន្តរាគមន៍ជួយសម្រួលចរាចរណ៍ និងធ្វើការវាស់វែងប្រមូលយកមធ្យោបាយទាំង២គ្រឿង ទៅរក្សាទុកនៅអធិការដ្ឋាននគរបាលស្រុកកៀនស្វាយ ចាត់ការតាមនីតិវិធីច្បាប់ចរាចរណ៍ផ្លូវគោគ។រីឯសពជនរងគ្រោះធ្វើកំណត់ហេតុប្រគល់ជូនក្រុមគ្រួសារដឹិកយកទៅធ្វើបុណ្យតាមប្រពៃណីនៅគេហដ្ធាន ៕
សហការី CANYS
