(ភ្នំពេញ) ÷ នៅព្រឹកថ្ងៃសៅរ៍ ១១រោច ខែស្រាពណ៍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៥ ខែសីហា ឆ្នាំ២០២០ វេលាម៉ោង ១០,៣០នាទី រដ្ឋបាលខណ្ឌដូនពេញ បានបើកកិច្ចប្រជុំ ជាមួយកម្លាំងប្រជាការពារខណ្ឌ និង ភ្នាក់ងារអនាម័យសង្កាត់ទាំង១១ ស្តីពីការងាររៀបចំសន្តិសុខ សណ្តាប់ធ្នាប់សាធារណៈ និង អនាម័យ ក្នុងថ្ងៃឈប់សម្រាកសងថ្ងៃបុណ្យចូលឆ្នាំថ្មី ប្រពៃណីជាតិខ្មែរ ក្រោមអធិបតីភាព លោក សុខ ពេញវុធ អភិបាល នៃគណៈអភិបាលខណ្ឌដូនពេញ ដើម្បីដាក់ចេញផែនការអនុវត្ត និង ពង្រឹងបន្ថែមសន្តិសុខ សុវត្ថិភាព សណ្តាប់ធ្នាប់សាធារណៈ និងអនាម័យ ជាពិសេសបង្កភាពងាយស្រួលដល់បងប្អូនប្រជាពលរដ្ឋ ដែលពួកគាត់នឹងធ្វើដំណើរចេញទៅស្រុកកំណើតរៀងៗខ្លួន ។
ជាក់ស្តែងចំពោះមុខ លោក អភិបាល ក៏បានកំណត់ និងបែងចែកវេណប្រចាំការរបស់គណៈបញ្ជាការឯកភាពរដ្ឋបាលខណ្ឌ តាមរយៈលិខិតកំណត់បែងចែកភារកិច្ច និងការងារជាក់ស្តែង ។
បន្ទាប់ពីបញ្ចប់កិច្ចប្រជុំ លោក អភិបាល បានឧបត្ថម្ភថវិកាដល់កម្លាំងប្រជារការពារខណ្ឌ និងបងប្អូនភ្នាក់ងារអនាម័យសង្កាត់ទាំង១១ ដោយក្នុងម្នាក់ៗទទួលបានថវិកា ៤០,០០០រៀល ផងដែរ។
