បាត់ដំបង ៖ លោក ម៉ម ប៊ុនហេង រដ្ឋមន្ត្រីក្រសួង សុខាភិបាលនិងក្រុមការងារខេត្ត មានលោក ច័ន្ទ សុផល អភិបាលខេត្តលោក នួន សាន ព្រះរាជអជ្ញាអមសាលាដំបូងខេត្តលោក ស ថេត ស្នងការនគរបាលខេត្តលោក ប៉ោ វណ្ណៈ មេបញ្ជាការអាវុធហត្ថខេត្ត បានចុះ សួរសុខទុក្ខ ប្រជាពលរដ្ឋឃុំរការស្រុកសង្កែ នៅព្រឹកថ្ងៃទី១៨ ខែធ្នូ ឆ្នាំ២០១៤ បន្ទាប់ពីមានការភ្ញាក់ផ្អើលធ្វើតេស្តឈាម ប្រជាពលរដ្ឋ៨០០នាក់ មានផ្ទុកវីរ៉ុសអេដស៏ ១០៦ នាក់កន្លងមក ។
ថ្នាក់ដឹកនាំបានយកសារ៉ុង និងស្រោមជើងចែកជូនប្រជាពលរដ្ឋនិងផ្តាំផ្ញើអោយប្រជាពលរដ្ឋខិតខំរស់ទៅមុខទៀត កុំគិតខ្លី ព្រោះបច្ចុប្បន្ន រាជរដ្ឋាភិបាលបានយកចិត្តទុកដាក់ដល់បងប្អូន ជាពិសេសសម្តេចគតិ បណ្ឌឹត ប៊ុន រ៉ានី ហ៊ុន សែន ជាប្រធានកាកបាទក្រហមកម្ពុជាជួយបងប្អូនជានិច្ច ។
នៅម៉ោង១១ ព្រឹកថ្ងៃទី ១៨ ខែ ធ្នូ ឆ្នាំ២០១៤ ថ្ងៃដដែល ក្រោយពីពិធីសំណេះសំំណាលប្រជាពលរដ្ឋ រួចមកសមត្ថកិច្ចនិងអង្គការ ក្នុងនិងក្រៅប្រទេស បានឡោមព័ទ្ធផ្ទះ លោក យ៉ែម ជ្រឹង ជាគ្រូពេទ្យប្រចាំភូមិឃុំរកា ដើម្បីធ្វើកោសលវិច័យលើសំលាកថ្នាំ ព្រមទាំងវត្ថុតាងនានាដែលបង្កអោយប្រជាពលរដ្ឋទទួលរងទុក្ខវេទនា ដោយ ការឆ្លងមេរោគអេដស៏ ។ ចំណែកលោក យ៉ែម ជ្រឹង ត្រូវបានជាប់យាម (ការរក្សាខ្លួន) នៅស្រុកឯកភ្នំ ប្រសិនសមត្ថកិច្ចរកឃើញមានការពាក់ព័ន្ធមានកំហុស និងចាប់ខ្លួន តែបើសមត្ថកិច្ចរកមិនឃើញត្រូវដោះលែងអោយមានសេរីភាពវិញ ៕
