រាជធានីភ្នំពេញ៖ នៅក្នុងសន្និបាតប្រចាំឆ្នាំរបស់ក្រសួង ឯកឧត្តម ខៀវ កាញារីទ្ធ បានមានប្រសាសន៍ថា បណ្តាញទំនាក់ ទំនងសង្គម ជាពិសេស គឺហ្វេសបុក បានក្លាយជា មធ្យោបាយ ដ៏ពេញនិយម សម្រាប់ ប្រជាពលរដ្ឋ កម្ពុជា គ្រប់ស្រទាប់ តាំងពី អ្នកលក់ ដូ… រហូត ដល់អ្នកនយោបាយ។ ឯកឧត្តម ខៀវ កាញារីទ្ធ បានបន្តថា ពលរដ្ឋកម្ពុជា កំពុងតែច្បាមយក ហ្វេសបុក ធ្វើជា មធ្យោបាយ និង ឧបករណ៍ ឃោសនា ដ៏មុតស្រួច ដោយសារតែនេះជាបណ្តាញសង្គម ដែលសាមញ្ញ ងាយស្រួល និង ចែកចាយទិន្នន័យ ឆាប់រហ័សទាន់ចិត្ត នៅទីណាក៏ បាន ពេលណាក៏បាន ។
ឯកឧត្តម ខៀវ កាញារីទ្ធ បានបន្តថា នេះគឺជាឧករណ័ដែលងាយស្រួល ដែល ត្រូវការ ត្រឹមតែទូរស័ព្ទដៃ គេ អាចចែករំលែកនឹងទទួលនូវអក្ស សម្លេង រូបថត វីដេអូ បានយ៉ាងលឿន ប៉ុន្តែឯកឧត្តម ក៏បានសម្តែង នូវ ការព្រួយបារម្ភ ចំពោះ អំពើអសីលធម៌ ដែលអ្នកប្រើប្រាស់មួយចំនួន យកទៅធ្វើជា វេទិកាញុះញង់ អុជអាល ប្រមាថ អាសអាភៀស។ល។ ឯកឧត្តម ខៀវ កាញារីទ្ធ បានបន្តថា បច្ចុប្បន្ននេះក៏មានអ្នក ប្រើប្រាស់នូវ បណ្តាញសង្គម មួយចំនួន ដែល បាន ជាប់ទោស ដោយសារតែប្រើប្រាស់ ខុសច្បាប់៕
