ខេត្តរតនគិរី ៖ នៅខេត្តរតនគិរីឈ្មួញឈើជើងខ្លាំងលំដាប់ខ្ពស់ចាប់ផ្តើមរកស៊ីដឹកឈើវិញហើយ អ្នកដែលជើងខ្លាំងរកស៊ីដំបូងគេនេះគឺកូនតំណាងរាស្ត្រប៊ូ ឡាំ ដែលជាកូនសំណប់ចិត្តគឺលោកឡាំ វិឆៃ បានដឹកឈើក្រញូងមួយឡានតាមផ្លូវជាតិលេខ៧៨យកទៅលក់នៅប្រទេសវៀតណាមត្រូវកម្លាំងប៉េអឹមស្រុកស្រុកអូរយ៉ាដាវចាប់នៅត្រង់ចំណុចភូមិសោមត្រក់ថ្មី ឃុំសោមធំ ស្រុកអូរយ៉ាដាវ ខេត្តរតនគិរី កាលពីវេលាម៉ោង៤និង៣០ល្ងាចថ្ងៃទី០១ ខែមិនា ឆ្នាំ២០១៦។
តាមប្រភពមន្ត្រីប៉េអឹមស្រុកអូរយ៉ាដាវបានអោយដឹងថា ឃើញឡានម៉ាកឡង់គ្រីស័រ ពណ៌ស្លែ ពាក់ស្លាកលេខ2G-2928 បើកឆ្លងកាត់មុខបន្ទាយដែលមានទីតាំងជាប់នឹងផ្លូវជាតិនោះ ក៏ស្ទាក់ឆែកឆេរមើលហើយក៏ឃើញឈើក្រញូងកន្លះឡាននិងឃាតរថយន្តនោះទុកតែម្តង ហើយមន្ត្រីប៉េអឹមបានបញ្ជូនឡាននោះមកខណ្ឌរដ្ឋបាលព្រៃឈើរតនគិរីតែម្តង ហើយនៅព្រឹកថ្ងៃទី២ នេះជំនាញរដ្ឋបាលព្រៃឈើបានថ្លឹងឈើក្រញូងទាំងនោះសរុប៥៧២គីឡូក្រាម។ បើតាមព្រៃឈើត្រូវរក្សាទាំងរថយន្ត និងឈើទុកនឹងត្រូវចាប់ម្ចាស់ឈើដាក់គុក។
តាមប្រភពពីសមត្ថកិច្ចនាពេលនាកន្លងមកបានអោយដឹងថារាល់កម្លាំងសមត្ថកិច្ចចាប់ឆែកឆេររថយន្តកូនសំណប់ចិត្តឈ្មោះឡាំ វិឆៃ នេះគេតែងតែទូរស័ព្ទឯកឧត្តមប៊ូ ឡាំ ថាកូនឯកឧត្តមដឹកឈើអត់មានប្រាប់កម្លាំងជំនាញ ហើយឯកឧត្តមប៊ូ ឡាំឆ្លើយតបតាមទូរស័ព្ទវិញថា អោយវាប្រាប់អាណា ព្រោះវាប្រាប់ខ្ញុំហើយ នៅក្នុងខេត្តរតនគិរីនណាធំជាខ្ញុំ។
គួរចាប់តាំងពីដើមខែមករា រហូតដល់ពេលនេះសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីព្រះរាជាណាចក្រកម្ពុជាបានចេញបញ្ជាអោយឯកឧត្តឧត្តមសេនីយ៍សៅ សុខា មេបញ្ជាការរងកងយោធពលខេមភូមិន្ទ និងជាអគ្គមេបញ្ជាការកងរាជអាវុធហត្ថលើផ្ទៃប្រទេសរួមសហការណ៍ជាមួយកងកម្លាំងគ្រប់ស្ថាប័នដើម្បីទប់ស្កាត់អោយខាងតែបាននៅជំនួញក្រញូង ឫឈើប្រណិតឆ្លងដែនទៅកាន់ប្រទេសជិតខាង ប៉ុន្តែនៅពេលនេះបែរជាមានកូនប្រុសតំណាងរាស្ត្រខេត្តរតនគិរី ផ្គើននឹងបទបញ្ជារបស់ប្រមុខររាជរដ្ឋាភិបាលក្នុងការរត់ពន្ធឈើក្រញូ និងឈើប្រណិតទៅកាន់ប្រទេសជិតខាង៕
សន ចាន់ឌី
