កំពត ៖ នៅព្រឹកថ្ងៃទី ០២ ខែមីនា ឆ្នាំ២០១៦ វេលាម៉ោង៨:០០នាទី នៅសាលប្រជុំធំនៃស្នងការដ្ឋាននគរបាលខេត្តកំពត លោកឧត្តមសេនីយ៍ត្រី ម៉ៅ ចន្ទ័មធុរិទ្ធិ ស្នងការនគរបាលខេត្តកំពត បានប្រារព្ធពិធីប្រគល់ថវិកា សមាគមមិត្តនគរបាល ជូនដល់មន្ត្រីចូលនិវត្តន៍ចំនួន ១៩ នាក់ និង ថវិកាភូមិ-ឃុំមានសុវត្ថិភាពជូនដល់ ប៉ុស្តិ៍រដ្ឋបាលចំនួន ៩៣ ប៉ុស្តិ៍ (ថវិកាឆ្នាំ២០១៥) ។
ក្នុងពិធីនេះផងដែរ ក៏មានការអញ្ជើញចូលរួមពីលោក-លោកស្រីស្នងការរង លោកនាយ-នាយរងការិយាល័យ លោកនាយ-នាយរងប៉ុស្តិ៍ទាំង ៩៣ប៉ុស្តិ៍ និងមន្ត្រីចូលនិវត្តន៍ សរុបចំនួន១១២រូប ។ ចំពោះថវិកា ដែលត្រូវប្រគល់ជូនមានដូចខាងក្រោម:មន្ត្រីចូលនិវត្តន៍ និងពិការភាពក្នុងម្នាក់ៗទទួលបាន ៤.០០០.០០០៛ (បួនលានរៀលគត់) នាយប៉ុស្តិ៍រដ្ឋបាលទាំង ៩៣ប៉ុស្តិ៍ ក្នុង១ប៉ុស្តិ៍ទទួលបាន ១.២០០.០០០៛ (មួយលានពីរសែនរៀលគត់) ដើម្បីយកទៅបម្រើការងារក្នុងកិច្ចការភូមិ-ឃុំមានសុវត្ថិភាព ៕
