បាត់ដំបង ៖ កម្លាំងអាវុធហត្ថខេត្តបាត់ដំបងឃាត់ខ្លួនបុរសម្នាក់តាមផ្លូវពេលកំពុងជិះម៉ូតូយកថ្នាំញៀនបម្រុងទៅចែកចាយនិងដកហូតថ្នាំញៀនម៉ាទឹកកក៧ថង់និងប្រភេទយ៉ាម៉ា៣គ្រាប់និងសម្ភារៈ១ចំនួនទៀតនៅម៉ោង១០និង៣០នាទីថ្ងៃទី២៧ ខែកុម្ភៈ ឆ្នាំ២០១៦ នៅចំណុចភូមិ កម្មករ សង្កាត់ស្វាយប៉ោក្រុងបាត់ដំបង ខេត្តបាត់ដំបង។
មន្ត្រីអាវុធហត្ថបានឲ្យដឹងថាបុរសជនសង្ស័យ១នាក់ដែលឃាត់ខ្លួន មានឈ្មោះហៀង ដាណេត អាយុ២៤ឆ្នាំ មុខរបរគ្មានមុខសញ្ញាចេញពីគុក មានទីលំនៅភូមិអូរតាគាំ២ សង្កាត់ទួលតាឯក ក្រុងបាត់ដំបង ខេត្តបាត់ដំបង។ដកហូតបានគ្រឿងញៀនប្រភេទម្ស៉ៅក្រាមពណ៍សថ្លា ចំនួន០៧កពា្ចប់តូច មានទម្ងន់ ៣ក្រាម (ថ្លឹងទាំងសំបក) គ្រឿងញៀនប្រភេទយ៉ាម៉ាគ្រាប់ពណ៏ស្លាទុំចំនួន០៣គ្រាប់កន្លះ ទូរស័ព្ទដៃម៉ាកណូគា ចំនួន០១គ្រឿងនិងម៉ូតូម៉ាហុងដាឌ្រីមសេ១២៥ ពណ៏ ទឹកប៊ិចចាស់ ផលិតឆ្នាំ២០១៦គ្មានផ្លាកលេខ។
បច្ចុប្បន្ន ជនសង្ស័យនិងវត្តុតាងមន្ត្រីអាវុធហត្ថការិយាល័យប្រឆាំងគ្រឿងញៀន រៀបចំកសាងសំណុំរឿង បញ្ជូនទៅតុលាការនារសៀលថ្ងៃទី២៨ ខែកុម្ភៈឆ្នាំ ២០១៦ចាត់ការតាមនីតិវិធី ៕
