មណ្ឌលគិរី ៖ សមត្ថកិច្ចឃាត់ខ្លួនបុរសជនជាតិព្នងម្នាក់ បញ្ជូនទៅការិយាល័យព្រហ្មទណ្ឌកម្រិតស្រាលនៃស្នងការនគរបាលខេត្ត ករណីប្រព្រឹត្តឹអំពើហឹង្សាលើ កូនបង្តើតរបស់ខ្លួនដែលទើបមានអាយុ៤ឆ្នាំ បណ្តាលឲ្យមានរបួសពេញផ្ទៃមុខ ។ ហេតុការណ៏នេះបាន កើតឡើងកាលពីថ្ងៃទី២៦ កុម្ភះ ២០១៦ នៅភូមិ ឡៅរមៀត ឃុំ ក្រង់តេះ ស្រុកពេជ្រាដា ។
ប្រភពបានឲ្យដឹងថា កុមារីអាយុ ៤ឆ្នាំ ម្នាក់រស់នៅក្នុងគ្រួសារជនជាតិព្នង ត្រូវបានឪពុកខ្លួនប្រើអំពើហឹង្សាវាយដំលើរាងកាយ បណ្តាលឱ្យរងរបួសយ៉ាងដំណំលើផ្ទៃមុខ និង ចាប់បោះពីលើផ្ទះមកដី ដោយគ្មានការអាណិតអាសូរដោយសារតែឪពុករូបនោះមានការខឹងសម្បានិងប្រពន្ធ ។
សមត្ថកិច្ចបានឲ្យដឹងថា បុរសជាឳពុកឈ្មោះ ស្រូវ ម្លង់ ជនជាតិព្នង អាយុ ៣២ឆ្នាំ រស់នៅភូមិកើតហេតុខាងលើជនដែលបានប្រព្រឹត្តឹអំពើហឹង្សារូបនេះ ត្រូវបានកម្លាំងនគរបាលប៉ុស្តិ៍រដ្ឋបាលទីនោះបានបញ្ជូនមកកាន់ការិយាល័យខេត្ត ហើយកម្លាំងជំនាញកំពុងសាកសួរ តាមចម្លើយសារភាព។សមត្ថកិច្ចបន្តថា បុរសរូបនោះ បានសារភាពថា ពិតជាបានប្រព្រឹត្តឹហឹង្សាមកលើកូន របស់ខ្លួនពិតមែនដោយសាររូបគេខឹងប្រពន្ឋមិននៅផ្ទះ។
តែគេសង្កេតឃើញថា នៅរសៀលថ្ងៃដដែលនោះ ប្រពន្ធជនបង្ករបានមកកាន់ការិយាល័យព្រហ្មទ័ណ្ឌកម្រិត ស្រាលខេត្តក្រោយប្តីរបស់ខ្លួនត្រូវសមត្ថកិច្ចនាំមកសាកសួរនៅស្នងការដ្ឋាន ដើម្បីសុំអង្វរប៉ូលីសសុំឱ្យដាក់ទោស ប្តីរបស់គាត់តែ ១ខែបានហើយ ព្រោះជិតដល់រដូវកាប់ចម្ការ ដោយគ្មានអ្នកណារកស៊ីចឹញ្ចឹមកូនទេ ។
លោកឧត្តមសេនីយ៏ត្រី តូច យ៉ុន ស្នងការនគរបាលខេត្តបានឲ្យថា ជនសង្ស័យត្រូវបានសមត្ថកិច្ចជំនាញ កសាងសំនុំរឿងបញ្ជូនទៅសាលាដំបូងខេត្ត នាព្រឹកថ្ងៃទី២៧ កុម្ភៈ ដើម្បីចាត់ការតាមច្បាប់ ៕
គឹម ចំរើន
