ខេត្តប៉ៃលិន ៖ ឯកឧត្តមនាយឧត្តមសេនីយ៏ គន់ គីម អគ្គលេខាធិការសមាគមអតីតៈយុទ្ធជនកម្ពុជាអញ្ជើញសំណេះសំណាលសួរសុខទុក្ខដល់សមាជិកចំនួន៣០០នាក់ និងផ្តល់ថវិការម្នាក់៦ម៉ឺនរៀលនៅរសៀលថ្ងៃទី២៦ខែកុម្ភៈឆ្នាំ២០១៦។
វត្តមានអញ្ជើញចូលរួមជាកិត្តិយសឯកឧត្តម អៀង វុធ អភិបាលរងខេត្ត លោកឧត្តមសេនីយ៏ត្រី ព្រំហ្ម ប៉ាត់ ប្រធានសមាគម អតីតៈយុទ្ធជនកម្ពុជាខេត្ត លោកឧត្តមសេនីយ៏ត្រី វ៉ាន់ ណាឡុង អនុប្រធានសមាគមអតីតៈយុទ្ធជនកម្ពុជាខេត្តប៉ៃលិន ព្រមទាំងប្រធាន អនុប្រធានមន្ទីរស្ថាប័នជំវិញខេត្តជាច្រើននាក់ផងដែរ។
លោកឧត្តមសេនីយ៏ត្រី ព្រហ្ម ប៉ាត់ ប្រធានសមាគមអតីតៈយុទ្ធជនកម្ពុជាខេត្តប៉ៃលិនបានអោយដឹងថា ៖ អតីតៈយុទ្ធជនកម្ពុជាខេត្តប៉ៃលិនមានចំនួន ១២៩៥នាក់ ពលី១៤៨នាក់ មរណៈ៣៦នាក់ ពិការ១០៩៦នាក់ បាត់បង់១៥នាក់។ ការងារចុះស្រង់ទិន្នន័យបានចំនួន៥៤៥នាក់ ក្រុងប៉ៃលិន៤២៥នាក់ ស្រុកសាលាក្រៅ១២០នាក់។
សមាគមអតីតៈយុទ្ធកម្ពុជាខេត្តប្រគល់ថវិកាបេឡាមរណៈសង្គ្រោះ ចំនួន ០៥គ្រួសារ សរុបថវិកា ២០លានរៀល ហើយបាន ជួយឧបត្ថម្ភគាំទ្រដល់សមាគមអតីតៈយុទ្ធជនខេត្តប៉ៃលិន សរុប ២៣លានរៀល។ ឯកឧត្តម នាយឧត្តមសេនីយ៏ គន់ គីម អគ្គលេខាធិការសមាគមអតីតយុទ្ធជនបានពាំនាំបណ្តាំសាកសួរសុខទុក្ខពីសំណាក់សម្តេចតេជោ ហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជាជូនចំពោះបងប្អូនជនពិការពលីនិងបងប្អូនចូលនិវត្តន៏ទាំងអស់ចចចចវដែលសម្តេចតែងតែគិតគូរពីសុខទុក្ខនិងជីវភាពរស់នៅរបស់បងប្អូនគ្រប់ពេលវេលា។ ដូច្នេះ សូមអោយបងប្អូនអតីតៈយុទ្ធជនទាំងអស់កុំអស់សង្ឃឹមទៀត ដោយបច្ចុប្បន្ននេះយើងមានសមាគមអតីតៈយុទ្ធជនកម្ពុជាដែលមានសម្តេចតេជោហ៊ុនសែនជាប្រធានសមាគមហើយធ្វើអោយយើងមានភាពកក់ក្តៅនិងក្តីសង្ឃឹមមិនមានជួបការលំបាកទៀតទេ។
ទន្ទឹមនឹងនេះ បងប្អូនជនពិការទាំងអស់ត្រូវមានសាមគ្គីភាព ឯកភាពគ្នា ចេះសហការ យោយល់ជាមួយក្រុមការងារសមាគមអតីតៈយុទ្ធជនកម្ពុជាខេត្តប៉ៃលិន អោយបានល្អ ជាពិសេសត្រូវថែរក្សាការពារសុខភាព អនាម័យអោយបានជាប្រចាំជៀសវាងជួបនូវជំងឺ ផ្សេងៗ។
ឯកឧត្តមបានផ្តាំផ្ញើដល់ក្រុមការងារសមាគមអតីតៈយុទ្ធជនកម្ពុជាខេត្តប៉ៃលិនត្រូវធ្វើការស្រង់សតិទិន្ន័យរបស់សមាជិកអតីតៈយុទ្ធជនទាំងអស់អោយត្រឹមត្រូវច្បាស់លាស់ដើម្បីងាយស្រួលធ្វើការងារចុះពួកគាត់អោយចំគោលដៅ ៕
