មណ្ឌលគិរី ៖ មន្ត្រីនគរបាលខេត្តមណ្ឌលគិរីម្នាក់បំរើការនៅការិយាល័យប្រឆាំងបទល្មើសសេដ្ឋកិច្ចខេត្តមណ្ឌលគិរីត្រូវបានកងកំលាំងនគរបាលខេត្ត ធ្វើការឃាត់ខ្លួនតាមបទបញ្ជារបស់ថ្នាក់លើ ដោយសង្ស័យមានការជាប់ពាក់ព័ន្ធក្នុងករណីបាត់ឈើនៅក្នុងក្រុមហ៊ុនកសិកម្មខ្មែរអង្គរ ។
លោក សំ លឹម ភេទប្រុសអាយុ49ឆ្នាំមានមុខរបរជាមន្ត្រីនគរបាលពាក់ស័ក្ត3នៅការិយាល័យប្រឆាំងបទល្មើសសេដ្ឋកិច្ចខេត្តមណ្ឌលគិរីត្រូវបានកំលាំងសមត្ថកិច្ចនគរបាលខេត្តឃាត់ខ្លួនកាលពីថ្ងៃ ២៥ កុម្ភៈ ឆ្នាំ ២០១៦ ដើម្បីសួរនាំអំពីករណីសង្ស័យបាត់ឈើនៅក្នុងក្រុមហ៊ុនខាងលើ ។ នេះបើតាមការអះអាងប្រាប់ឱ្យដឹងពីលោកនាយការិយាល័យព្រហ្មទ័ណ្ឌកំរិតស្រាលខេត្តបានបញ្ជាក់ប្រាប់ ។
នៅថ្ងៃទី26.02.2016លោក ស៊ុម សោភ័ណ្ឌ នាយការិយាល័យព្រហ្ម ទ័ណ្ឌករិតស្រាលខេត្ត បានសួរចំលើយលោក សំ លឹម ជាមន្ត្រីនគរបាលនោះរងការចោទនោះបានរៀបរាប់ពីការពិតប្រាប់ថា ចាប់តាំងពីថ្ងៃទី22.01.2016លោកត្រូវបានលោកស្នងការខេត្តចេញបេសកកម្មអោយចុះទៅធ្វើការបង្ក្រាបបទល្មើសព្រៃឈើនៅក្រុមហ៊ុនកសិកម្មខ្មែរអង្គរក្នុងស្រុកកែវសីមា រួមជាមួយមន្ត្រីនគរបាលចំនួនបីរូបមានឈ្មោះ នួន វីរៈ ខៀវ ស្រឿងនិង ស៊ិន សុខហេង ដឹកនាំដោយរូបលោកផ្ទាល់ ក្នុងការស្នាក់នៅក្បែរក្រុមហ៊ុន(ក្នងព្រៃ)យូរៗទៅមន្ត្រីរបស់ខ្លួនបីនាក់ខ្លះឈឺសុំ ច្បាប់នៅសល់តែរូបលោកនៅប្រចាំការទីនោះ ។ ក្រៅពីនោះ មានកំលាំងសមត្ថកិច្ចជាច្រើនទៀតឈរជើងនៅទីនោះដែរ ក្រោយ មកនៅថ្ងៃទី17.02.2016 ស្របពេលរូបលោកដាច់លុយចាយ លោកបានធ្វើការស្នើសុំដឹកឈើស្រឡៅ និងខ្លុង5×15ប្រវែង 4 និង 5 ម៉ែត្រ ហើយឈើនេះ មានឆេះភ្លើងខ្លះៗទៀតផង ចំនួនជិត ៣ ម៉ែត្រគូបលក់ឱ្យប្រជាជនក្នុងស្រុកកែវសីមាធ្វើផ្ទះ ។
លោកបានបន្តថា ការសុំឈើនេះលក់គឺលោក(សំ លឹម)ផ្ទាល់បានធ្វើការស្នើរសុំ លោក ថូ ផុនមន្ត្រីរដ្ឋបាលព្រៃឈើកែវសីមា លោក ហាន សុខន ហៅថា អនុប្រធានមន្ទីបរិស្ថានខេត្តមណ្ឌលគិរីនិងលោក ទុំ សួន មន្ត្រីអាវុធហត្ថខេត្តដោយមានការអនុញ្ញាត្ត បែបនេះ ទើបរូបលោកហ៊ានលក់តែម្តងហើយការលក់ឈើខាងលើនោះបានប្រាក់ចំនួន1200000 រៀល ។ ប្រាក់ នេះបំរ៉ុងធ្វើការបែងចែកឱ្យទៅលោក ហាន សុខនហៅ ថា ចំនួន800000រៀល នៅសល់ប្រាក់ចំនួន400000រៀលលោកទុកបែងចែកគ្នា ចំនួនពីរបីនាក់ទៀត តែប្រាក់ដែលទុកជូនលោក ហាន សុខន នោះគឺពុំទាន់បានឱ្យនៅឡើយទេ ។
មន្ត្រីនគរបាលរូបនោះ នៅតែទួលស្គាល់ការពិតក្នុងនាមលោកជាមន្ត្រីនគរបាល បើទោះបីរូបគាត់ត្រូវបានសម្ត្ថកិច្ចឃាត់ខ្លួននិងឃុំខ្លួនក៍ដោយលោក នៅតែទទួលការពិតដោយគ្មានការប្រកែក ។
លោក តូច យ៉ុន ស្នងការខេត្តមណ្ឌលគិរីនៅរសៀលថ្ងៃទី26.02.2016នេះ លោកបានថ្លែងថានេះជាបញ្ជារបស់ថ្នាក់លើ លោក ស្វាយ សំអ៊ាង អភិបាលនៃនគណៈអភិបាលខេត្តមណ្ឌលគិរី បានថ្លែង ប្រាប់អ្នកឆ្លើយឆ្លងព័ត៌មានយើងនៅរសៀថ្ងៃទី26.02.2016នេះក្នុងន័យប្រៀបធៀបមួយថា ចូរកុំជំនះមុខដឹង កុំទទឹងមុខសឹក ៕
ដោយ ៖ គឹម ចំរើន
