តាមរយៈសមត្ថកិច្ចថៃបានឱ្យដឹងថា កាលពីព្រឹកថ្ងៃទី២៣ ខែកុម្ភៈ ឆ្នាំ២០១៦ សមត្ថកិច្ចថៃបានចាប់ឃាត់ខ្លួនមេខ្លោងជួលឃាតកសម្លាប់ថៅកែជនជាតិថៃឈ្មោះ ដារុន ជាជនជាតិថៃ អាយុជាង ៥០ឆ្នាំ ដែលត្រូវជាមិត្តភ័ក្តិ និងជាថៅកែCasino មានភាគហ៊ុនរកស៊ីជាមួយជនរងគ្រោះឈ្មោះ សំនឹក ចារូនថនសាក់ធៀន ហៅក្រៅសៀទុំអាយុ៥១ឆ្នាំ ។
បើតាមការបង្ហើបពីបុក្គលិករបស់ជនរងគ្រោះបានឱ្យដឹងថាៈ លោក ដារុន និងជនរងគ្រោះ គឺមានភាគហ៊ុនរួមគ្នានៅ Casino Pailin flamingo និងជាច្រើនកន្លែងផ្សេងទៀត ពីព្រោះពួកគាត់គឺជាមិត្តភ័ក្តិនឹងគ្នា ហើយមួយរយៈចុងក្រោយនេះ គេឃើញលោក សំនឹក និងលោក ដារុន ឈ្លោះប្រកែកគ្នាជាញឹកញាប់ ដោយជនរងគ្រោះបានចោទលោក ដារុន បានដកយកលុយពីក្រុមហ៊ុន ជាង ៣០លានបាត ដោយមិនបានប្រាប់គាត់ ហើយមិនព្រមបង្វិលលុយចូលវិញ ក្រោយមកក៍កើតមានករណីឃាតកម្មនេះកើតឡើង។
បើទោះបីសមត្ថិច្ចថៃចាប់បានមេខ្លោងករណីឃាតកម្មនេះក្តី ប៉ុន្តែឃាតកដៃដល់គឺមិនទាន់ចាប់បាននៅឡើយទេ ហើយក៏មិនទាន់ដឹងថា ជាជនជាតិខ្មែរ ឬជាជនជាតិថៃដែរ ។
គួរបញ្ជាក់ថា៖ បន្ទាប់ពីមានករណីឃាតកម្មនេះកើតឡើង មុខរបររកស៊ី ដែលមានភាគហ៊ុន រួមគ្នារវាងលោក សំនឹក និងលោក ដារុន ត្រូវបានផ្អាកដំណើរការ ធ្វើឱ្យបុគ្គលិកខ្មែររាប់រយអ្នកអត់ការងារធ្វើ ៕
សហការី
