មណ្ឌលគិរិ ៖ រថយន្តដឹកឈើខុសច្បាប់ចំនួន០២គ្រឿងត្រូវបានកម្លាំងអាវុធហត្ថខេត្តមណ្ឌលគិរី សហការជាមួយ អាវុធហត្ថស្រុកអូរាំង និងអាវុធហត្ថស្រុកកែវសីមាបង្ក្រាបបាន ត្រង់ចំណុច ភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្ត មណ្ឌលគិរី នៅយប់ ថ្ងៃទី ២៣ ខែ កុម្ភះ ឆ្នាំ ២០១៦នេះ។
លោក រ៉ុន ឌឿន មន្ត្រីអាវុធហត្ថខេត្តមណ្ឌលគិរីបានឲ្យដឹងថា ដោយមានបទបញ្ជាពីមេបញ្ជាការខេត្តរូបលោកបានដឹកនាំកម្លាំងចំនួន០៨ នាក់ រថយន្ត ៤ គ្រឿង ចុះបង្ក្រាបបានរថយន្តដឹកឈើខុសច្បាប់ចំនួន២គ្រឿងប្រគល់អោយជំនាញរដ្ឋបាលព្រៃឈើ។
លោកបន្តថា រថយន្តទី០១ . ចាប់បាននៅវេលាម៉ោង ០៩.០០ នាទី ស្ថិតនៅភូមិ ឆ្នែង ឃុំ ស្រែខ្ទុម ស្រុក កែវសីម៉ា ខេត្ត មណ្ឌលគិរី រថយន្តម៉ាក TOYOTA 4RUNNER ពណ៌ ស្ករ ស្លាកលេខ 2F 1828 ដឹកឈើខុសច្បាប់ប្រភេទ ធ្នង់ ចំនួន ១០ ដុំ នឹង បានឃាត់ខ្លួនអ្នកបើកបរ ០១ នាក់ ឈ្មោះ ញឹម រឿង ភេទ ប្រុស អាយុ ៣៨ ឆ្នាំ ជនជាតិ ខ្មែរ មុខរបរ អ្នកបើកបររថយន្ត រស់នៅភូមិ កើតហេតុខាងលើ ។
រថយន្តទី ០២ . ចាប់បាននៅវេលាម៉ោង ០៦ .៣០ នាទី ព្រឹក ស្ថិតនៅភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្តមណ្ឌលគិរី រថយន្តម៉ាក Camary បាឡែនឆ្នាំ ២០០២ ពណ៏ ទឹកប្រាក់ ពាក់ស្លាកលេខ 2 J 3487 ដឹកឈើខុសច្បាប់ប្រភេទធ្នង់ចំនួន ០៦ ដុំ រថយន្ត និងឈើទាំងអស់រួមទាំងបើកបរនឹងត្រូវបំពេញបែបបទប្រគល់អោយខាងមុន្ត្រីជំនាញរដ្ឋបាលព្រៃឈើ ស្នាក់ការអភិរក្សជីវៈចម្រុះស្រុកកែសីមា នៅរសៀលថ្ងៃ២៤នេះ ៕
គឹម ចំរើន
