ការកាប់បំផ្លាញព្រៃឈើ ដើម្បីទន្ទ្រានយកដីមកធ្វើជា កម្មសិទ្ធិឯកជនគឺជាអំពើល្មើស ច្បាប់ដែលមិនអាចអត់ឱនឱ្យ បានឡើយ ។ ជាក់ស្តែងកាលពី ថ្ងៃទី ១១ ខែធ្នូ ឆ្នាំ២០១៤ ថ្មីៗ នេះ មានអង្គការក្រៅរដ្ឋាភិបាលចំនួន ៣ បានចុះទៅឃ្លាំ មើលបទល្មើសព្រៃឈើនៅឃុំ ស្ទឹងកែវ និងឃុំត្រពាំងភ្លាំង ក្នុងស្រុកទឹកឈូ និងស្រុកឈូក ខេត្តកំពត ។
យោងតាមសេចក្តីរាយការ ណ៍ពីមន្ត្រីអង្គការបានឱ្យដឹងថា ពេលចុះទៅដល់កន្លែងកើតហេតុ គឺពួករលាកបានឃើញ ទល្មើស កាប់ព្រៃឈើរុករានទន្ទ្រានយក ដី(ប្រជាពលរដ្ឋជាអ្នកកាប់ព្រៃ យកដីលកឱ្យមេឈ្មួញធំៗ)។
លោក ហ៊ុន សុខា ប្រធាន អង្គការអភិរក្សព្រៃឈើនិង អភិវឌ្ឍធនធានធម្មជាតិបាន មានប្រសាសន៍ថា រូបលោក ផ្ទាល់ ក៏ដូចជា លោក ទូច ណូរ៉ា ប្រធានអង្គការការពារព្រៃឈើ សត្វព្រៃ និងបរិស្ថាន ព្រមទាំង លោក បឿង រដ្ឋា ប្រធានអង្គ ការការពារបរិស្ថាននិងធនធាន ធម្មជាតិ បានបង្កើតក្រុមការ ងារមួយដែលមានរូបលោកជា អ្នកដឹកនាំចុះទៅឃ្លាំមើលដល់ ទីតាំងកើតហេតុអស់រយៈពេល ២ថ្ងៃ ។
ក្នុងនោះលោកបានបញ្ជាក់ ថា រយៈពេល ២ថ្ងៃនេះ ក្រុម ការងារបានជួបប្រជាពលរដ្ឋ ដោយធ្វើការសាកសួរផ្ទាល់ មាត់ ។ ប្រជាពលរដ្ឋបានថ្លែង ថា ពួកគាត់កាប់ព្រៃរានយកដី បង្កបង្កើនផលគ្រាន់នឹងចិញ្ចឹម ជីវិតប៉ុណ្ណោះ ។ ប៉ុន្តែមានក្រុម ហ៊ុនចេះតែមកសំឡុតសុំទិញដី នោះ ពីពួកគាត់ដែលធ្វើឱ្យពួក គាត់ពិបាករស់នៅ ។
ប្រជាពលរដ្ឋបានរៀបរាប់ ទៀតថា ប្រការដែលពួកគាត់ ធ្វើបែបនេះដោយសារពួកគាត់ ខ្វះដីបង្កបង្កើនផលគ្រាន់នឹង ចិញ្ចឹមជីវិត ។
មន្ត្រីអង្គការក្រៅរដ្ឋាភិបាល ដដែលនេះនៅបានអធិប្បាយ ឱ្យដឹងថាការកាប់រុករានទន្ទ្រាន ព្រៃឈើយកដីនៅចំណុចឃុំ ស្ទឹងកែវនិងឃុំត្រពាំងភ្លាំងនោះ ហាក់ដូចជាមានការបើកដៃពី សមត្ថកិច្ច និងអាជ្ញាធរដែនដី ទើបពួកអស់លោក មិនមាន វិធានការអ្វីទាល់តែសោះ ។
ពិសេសគឺលោកអ៊ុក ឡាយ ចៅហ្វាយស្រុកទឹកឈូទំនងជា នៅពីក្រោយការកាប់បំផ្លាញ ព្រៃឈើដើម្បីវាតយកដីធ្វើជា កម្មសិទ្ធិហើយមើលទៅ ?
ជាមួយគ្នានោះដែរ ប្រធាន អង្គការក្រៅរដ្ឋាភិបាលទាំងបី រូប នៅបានរកឃើញទៀតថា បទល្មើសព្រៃឈើនៅសួនឧទ្យាន ជាតិព្រះមុនីវង្ស នៅចន្លោះព្រំ ប្រទល់ស្រុកទឹកឈូ,ស្រុកឈូក ត្រង់ចំណុចឃុំស្ទឹងកែវ និងឃុំ ត្រពាំងភ្លាំង មានការដឹកឈើ ចេញពីភ្នំដោយក្នុងមួយថ្ងៃមិន ក្រោមពី ១០ ទៅ ២០រទេះទេ ហើយមន្ត្រីបរិស្ថានជាអ្នកជួយ ការពារពីក្រោយ ។
លោក ហ៊ុន សុខា ប្រធាន អង្គការអភិរក្សព្រៃឈើនិង អភិវឌ្ឍធនធានធម្មជាតិក៏ដូច ជា លោក ទូច ណូរ៉ា ប្រធាន អង្គការការពារព្រៃឈើ សត្វ ព្រៃ និងបរិស្ថាន ព្រមទាំង លោក បឿង រដ្ឋា ប្រធានអង្គការការពារបរិស្ថាននិងធនធាន ធម្មជាតិ បានសំណូមពរដល់ លោកអភិបាលខេត្តកំពតជួយ មានវិធានការទប់ស្កាត់ផង ព្រោះបទល្មើសនៅទីនោះ កាន់ តែរីករាលដាលពីមួយថ្ងៃទៅ មួយថ្ងៃហើយ ។ ពិសេសគឺ លោករដ្ឋមន្ត្រីក្រសួងបរិស្ថាន តែម្តងដែលត្រូវតែស៊ើបអង្កេត វែកមុខមន្ត្រីខិលខូចនិងដាក់ ទោសតាមច្បាប់ដោយរួសរាន់ បំផុត ទើបជាការប្រសើរ ៕
