(ខេត្តកែប)៖ នៅព្រឹកថ្ងៃចន្ទ ទី១៣ ខែកក្កដា ឆ្នាំ២០២០ រដ្ឋបាលខេត្តកែបរៀបចំកិច្ចប្រជុំគណៈអភិបាលខេត្ត ក្រោមការដឹកនាំដោយ លោក សោម ពិសិដ្ឋ អភិបាល នៃគណ: អភិបាលខេត្តកែប និងមានការអញ្ជើញចូលរួមអភិបាលរងខេត្ត នាយករដ្ឋបាល និងមន្ត្រីពាក់ព័ន្ធមួយចំនួនផងដែរ។
កិច្ចប្រជុំនេះ មានគោលបំណង ដើម្បីពិនិត្យ ពិភាក្សាលើសេចក្តីព្រាងសេចក្តីសម្រេចពីការបែងចែកតួនាទី ភារកិច្ច និងរបៀបរបបការងារជូនគណៈអភិបាលខេត្ត ដើម្បីយកស្នើសុំទៅក្រសួងមហាផ្ទៃផ្តល់អនុលោកភាពក្នុងការបន្ត។
ពិនិត្យ ពិភាក្សាលើសេចក្តីព្រាងសេចក្តីសម្រេចកែសម្រួល និងតែងតាំងសមាសភាពក្រុមការងាររាជរដ្ឋាភិបាលចុះមូលដ្ឋានខេត្ត ក្រុង ស្រុក និងលេខាធិការដ្ឋានក្រុមការងារ។
ក្នុងកិច្ចប្រជុំនេះផងដែរ ក៏មានការផ្សព្វផ្សាយលិខិតរបស់ ក្រសួង មហាផ្ទៃ ស្តីពី
ភាពមិនប្រក្រតី របស់មន្ត្រីក្រុមប្រឹក្សាឃុំ សង្កាត់មួយចំនួនក្នុងការអនុវត្តកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងពេលប្រយុទ្ធប្រឆាំងនឹងជំងឺកូវីដ-១៩ ផងដែរ ។
ក្នុងកិច្ចប្រជុំ លោក សោម ពិសិដ្ឋ អភិបាលខេត្ត បានលើកយកបញ្ហាមួយចំនួនពាក់ព័ន្ធនឹងការងារការពាររក្សាសន្តិសុខសណ្តាប់ធ្នាប់សាធារណៈ ការ កែ លម្អ សោភណភាព គម្រោង អភិវឌ្ឍ នានា ដូចជាដែនដី នគរ រូបនីយកម្ម សំណង់ អនាម័យ បរិស្ថាន បង្ការ ទប់ស្កាត់ បទល្មើស ធនធានធម្មជាតិ ដើម្បីពិភាក្សាក្នុងកិច្ចប្រជុំផងដែរ៕ សេង ណារិទ្ធ
