បាត់ដំបង ៖ លោក ផាន់ ចាន់ណារ៉ា អធិការស្រុកកំរៀង រងការរិះគន់យកប្រាក់ប្រចាំខែ ពីបនស្ត្រីបេស្យាចារវៀតណាម ក្នុង១ខែ១លានរៀល មិនព្រមធ្វើការបង្ក្រាប តាមការអោយដឹងពីប្រជាពលរដ្ឋកាលពីថ្ងៃទី ១៧ ខែធ្នូ ឆ្នាំ២០១៤ ។
ប្រភពប្រជាពលរដ្ឋបានអោយដឹងថា ស្ត្រីវៀតណាមរកស៊ីផ្លូវភេទខុសច្បាប់ ពីមុនមានគ្នាម្នាក់ទៅ ២ នាក់ប៉ុណ្ណោះ ក្នុងភូមិដូង ឃុំបឹងរាំង ស្រុកកំរៀង ពេលលោក ផាន់ ចាន់ណារ៉ា អធិការឡើងកាន់តំណែងថ្មី ស្រាប់តែមានការនាំស្រីវៀតណាម រកស៊ីភ្លូវភេទចូលមកកាន់តែច្រើននាក់ ដោយហេតុនេះ ប្រជាពលរដ្ឋមានការភិតភ័យ ចំពោះការបាត់កិត្តិយស កូនខ្មែរ ដែលរស់នៅជិតនោះ ហើយខ្លាចប្តី ឬកូនប្រុសឆ្លងរោគផ្សេងៗ ដូច្នេះសូមអជ្ញាធរមានសមត្ថកិច្ច ជួយអន្តរាគមន៍លុបបំបាត់ការរកស៊ីផ្លូវភេទនៅក្នុងភូមិយើងខ្ញុំផង ។
ប្រជាពលរដ្ឋបញ្ជាក់ថា កន្លែងបនស្រីខូចវៀតណាមខាងលើនេះ បានអះអាងបង់ប្រាក់ជូនលោក ផាន់ ចាន់ណារ៉ា អធិការស្រុកកំរៀង ក្នុង១ខែ១លានរៀល ទើបមិនមកបង្ក្រាប ។
លោក ផាន់ ចាន់ណារ៉ា អធិការស្រុកបានប្រាប់អ្នកយកព័ត៌មាន នៅព្រឹកថ្ងៃទី១៧ ខែធ្នូ ឆ្នាំ២០១៤ថា លោកមិនបានទទួលប្រាក់ប្រចាំខែពីម្ចាស់បនស្រីខូចនោះទេ បន្ទាប់ពីទទួលព័ត៌មាននេះ រូបលោកនិងដាក់កម្លាំងចុះបង្ក្រាបបនស្រីខូចវៀតណាម ទាំង ២ កន្លែងនោះចេញ ៕
