កំពង់ចាម ៖ កាលពីថ្ងៃទី១០ ខែកុម្ភៈ ឆ្នាំ២០១៦ វេលាម៉ោង២២:០០នាទី មានករណីរំលោភសេពសន្ថវៈ បង្កឡើងក្មេងស្ទាវឈ្មោះ សិត រ៉ា ហៅ ម៉ាប់ អាយុ១៩ឆ្នាំ នៅភូមិជើងឆ្នុក ឃុំតាំងក្រាំង ស្រុកបាធាយ ខេត្តកំពង់ចាម បានចាប់រំលោភសេពសន្ថវៈ លើនារីដែលជាអនីតិជន ឈ្មោះ ទី ស្រីនិច អាយុ១៥ឆ្នាំ រហូតបានសំរេច ។
តាមប្រភពពីកន្លែងកើតហេតុ បានឲ្យឆន្ទៈខ្មែរដឹងថា នៅម៉ោងប្រមាណ២២:០០នាទី ថ្ងៃទី១០ កុម្ភៈ ២០១៦ ឈ្មោះ សិត រ៉ា ហៅ ម៉ាប់ បានបបូលនារីរងគ្រោះ ទៅផឹកទឹកត្នោតជូ នៅចំណុចភូមិ-ឃុំ ខាងលើ រហូតដល់ស្រវឹង រួចចាប់រំលោភសេពសន្ថវៈនាង រហូតបានសំរេច នៅលើផ្ទះរបស់ខ្លួន ។
ដោយមានការយកចិត្តទុកដាក់ ពីលោកអធិការនគរបាលស្រុកបាធាយ និងមានការនែនាំ ពីលោកឧត្តមសេនីយ៍ស្នងការ នៅថ្ងៃទី១១ កុម្ភៈ ២០១៦ កំលាំងជំនាញ របស់អធិការ បានស្រាវជ្រាវ តាមចាប់មុខ សញ្ញាបាន និងកសាងសំណុំរឿងបញ្ជូនទៅតុលាការ ៕
