ខេត្តបន្ទាយមានជ័យ ៖ ជនសង្ស័យ ២ នាក់ត្រូវនគរបាលក្រុងប៉ោយប៉ែត ចាប់ខ្លួនបញ្ជូនខណៈល្បាតប្រទះឃើញកំពុងធ្វើសកម្មភាពប្រើប្រាសើគ្រឿងញៀន កាលពីវេលាម៉ោង១១យប់ ថ្ងៃទី០៣ ខែកុម្ភៈ ឆ្នាំ២០១៦ ។
បើតាមលោក អ៊ូ សុផល អធិការនគរបាលក្រុងប៉ោយប៉ែត បានប្រាប់នគរមាសថា ជនសង្ស័យទាំងពីរនាក់ខាងលើ ទី១-ឈ្មោះជា នុន អាយុ ៣០ ឆ្នាំភេទប្រុស ជនជាតិខ្មែរ ស្នាក់នៅមិនប្រាកដ មុខរបរកម្មករ ២-ឈ្មោះជា ចាន់រស់ អាយុ១៦ ឆ្នាំភេទប្រុសជនជាតិខ្មែរ ស្នាក់នៅមិនប្រាកដ មុខរបរកម្មករ រួមនិងវត្ថុតាងថ្នាំញៀនប្រភេទយ៉ាម៉ាចំនួន ០៧ គ្រាប់ កំពុងកសាងសំណុំរឿងបញ្ជូន ទៅតុលាការ នៅព្រឹកថ្ងៃ០៤ ខែកុម្ភៈ ឆ្នាំ២០១៦ នេះ ៕
ដោយ ទាវ សំអុល
