(បាត់ដំបង) ៖ ស្រុកថ្មគោលៈ នាព្រឹកថ្ងៃទី២៩ ខែឧសភា ឆ្នាំ២០២០ នេះ ឯកឧត្តម ឡាយ សែ ទីប្រឹក្សា សម្តេចក្រឡាហោម ស ខេង និងជាឃុំតាពូង បានដឹកនាំក្រុមការងារប្រជុំសំណេះសំណាលជាមួយប្រជាពលរដ្ឋ ក្នុងឱកាសក្រុមហ៊ុនហុងឆាយហេង បើកការដ្ឋានស្ថាបនាផ្លូវលំគ្រួសក្រហមមួយខ្សែរ មានប្រវែង(៣៧៥០ម៉ែត្រ)ទទឹង(៤ម៉ែត្រ) ក្រោមថវិការមូលិធីឃុំតាពូង ដោយផ្លូវនេះឆ្លងកាត់ចំនួន៣ភូមិ ១/ភូមិតាពូង/២ ភូមិអង់ត្បូង៣/ ភូមិគោកក្តួច ។
ឯកឧត្តមឡាយ សែ បានលើកឡើងថា ដោយអនុវត្តន៍តាមយុទ្ធសាស្ត្រចតុកោណរបស់ប្រមុខរាជរដ្ឋាភិបាល ក្នុងការអភិវឌ្ឍន៍មូលដ្ឋាននេះក្នុងនាមលោកជាមេឃុំតាពូង នៃស្រុកថ្មគោលនេះ គឺលោកតែងតែខិតខំបំពេញកាតព្វកិច្ចរបស់ខ្លួន ក្នុងការបម្រើដល់ប្រផលប្រយោជន៍ប្រជាពលរដ្ឋនិងការពារសម្បត្តិសាធារណរបស់រដ្ឋ។
ឯកឧត្តម ឡាយ សែ បានមានប្រសាសន៍ថាជំហានដំបូងលោកនឹងលើកយកគោលការណ៍៣ចំណុច មកអភិវឌ្ឍន៍ ៖
ទី1 / ធ្វើប្រឡាយទឹកដើម្បីសម្រួលដល់ដំណាំកសិផលរបស់ប្រជាពលរដ្ឋនៅក្នុងមូលដ្ឋានទាំងអស់។
ទី2 / ធ្វើផ្លូវចាក់គ្រួសក្រហមនៅក្នុងមូលដ្ឋាន
ទី 3 / ចាប់ផ្ដើមស្ដាប់បឹងនិងត្រពាំងបុរាណនៅក្នុងមូលដ្ឋាន។
ឯកឧត្តមឡាយ សែ បានបន្តឲ្យដឹងទៀតថា បើសិនជាមិនមានការរាំងស្ទះដោយសារជំងឺ covid-19 នោះទេលោកនិងអភិវឌ្ឍន៍នៅថ្នល់ចាក់គ្រួសក្រហមឲ្យអស់នៅក្នុងភូមិទាំងអស់នៃឃុំតាពូងនេះឲ្យបាននៅកំឡុងឆ្នាំ 2023 ខាងមុខ។នៅក្នុងកិច្ចប្រជុំនោះផងដែរ ឯកឧត្តម ក៏បានរំឭកដល់ប្រជាពលរដ្ឋមេត្តាគិតគូរ កុំអាងតែមានផ្លូវល្អ បើកបរខ្វះការប្រុងប្រយ័ត្នព្រោះគ្រោះថ្នាក់ចរាចរណ៍ដែលកំពុងតែមានការកើនឡើងយ៉ាងខ្លាំងនៅក្នុងព្រះរាជាណាចក្រកម្ពុជាយើងក្នុងមួយថ្ងៃមួយថ្ងៃស្លាប់មិនក្រោម 6 នាក់នោះទេ ។
លោកបញ្ញាបន្តថា សូមកុំខឹងទៅនិងសមត្ថកិច្ចដែលអនុវត្តច្បាប់ចរាចរណ៍ ព្រោះរាជរដ្ឋាភិបាលធ្វើរាល់ថ្ងៃគឺដើម្បីតែផលប្រយោជន៍ប្រជាពលរដ្ឋប៉ុណ្ណោះ ។ ហើយក៏ត្រូវចេះការពារខ្លួនពីជំងឺឆ្លងកូវីដ19 ក៏ដូចជាចូលរួមទប់ស្កាត់ទាំងអស់គ្នា ព្រោះកម្ពុជាអាចនឹងមានរលកជំងឺនេះជាលើកទី ២ ទៀតផងដែរ ៕
