បន្ទាយមានជ័យ៖ នគរបាលប្រឆាំងបទល្មើសសេដ្ឋកិច្ច នៃស្នងការនគរបាលខេត្តបន្ទាយមានជ័យ កាលពី ពីវេលាម៉ោង៧និង៣០យប់ ថ្ងៃទី០២ ខែកុម្ភះ ឆ្នាំ២០១៦ បានចុះត្រួតពិនិត្យ ឃ្លាំងស្តុកទំនិញ២កន្លែងនៅក្នុង ក្រុងប៉ោយប៉ែត ខេត្តបន្ទាយមានជ័យ ។
បើតាមមន្ត្រីនគរបាលបានអោយដឹងថា ប្រតិបត្តិការចុះពិនិត្យទីតាំងឃ្លាំងស្តុកទំនិញនេះ ដឹកនាំដោយ
នាយការិយាល័យប្រឆាំងបទល្មើសសេដ្ឋកិច្ច លោក ឆេង សុវត្ថិ ។ ឃ្លាំង២កន្លែងខាងលើនេះ ដោយមានការសង្ស័យឃ្លាំងនេះមានផ្ទុកទំនិញគេចពន្ធ មកពីប្រទេសថៃ ដោយមានការសម្រួលពីលោកព្រះរាជអាជ្ញាអមសាលាដំបូងខេត្តបន្ទាយមាន ជួយ ទើបឈានដល់ការឆែកឆេរនិងត្រួតពិនិត្យ ធ្វើឡើងក្រោយពី ទទួលបានសេចក្តីរាយការណ៍ថា ឃ្លាំងទាំងពីរកន្លែងផ្ទូកទំនិញគេចពន្ធ ។ ទំនិញទាំងអស់នោះក្រោយពេលធ្វើការត្រួតិនិត្យ សមត្ថកិច្ចមិនដកហូតឡើយ គ្រាន់តែរាប់ចំនួន ទំនិញតែប៉ុណ្ណោះ ហើយរៀបចំគណ:កម្មការចូលរួមធ្វើលិខិតបិតសោរឃ្លាំងខាងលើនេះជា បណ្តោះអាសន្នរងចាំជំនាញចាត់ការបន្ត។ សម្ភារក្នុងឃ្លាំងខាងលើនេះរួមមាន សារុង សំបកម៉ូតូ មី មីសួរ នំ ទឹកដោះគោក្រហម និងទំនិញផ្សេងៗជាច្រើនមុខទៀត ។
ម្ចាស់ឃ្លាំង ទាំងពីរកន្លែងខាងលើ ត្រូវបានគេស្គាល់ថា ទី១ ម្ចាស់ឈ្មោះ មុំ សុខុម (ហៅយាយម៉ាប់) អាយុ៥៨ឆ្នាំ (មិនព្រមចូលរួមសហការជាមួយសមត្ថកិច្ច) និងទី២ម្ចាស់ឈ្មោះ ជា ទី ភេទប្រុស អាយុ៥៣ឆ្នាំ (មិនព្រមប្រគល់សោរឃ្លាំង) មានទីតាំងជាប់គ្នា ក្នុងភូមិក្បាលស្ពាន១ សង្កាត់-ក្រុងប៉ោយប៉ែត ខេត្តបន្ទាយមានជ័យ ៕
ដោយ ៖ ទាវ សំអុល
