(បាត់ដំបង)៖នៅរសៀល អង្គារថ្ងៃ១៣រោច ខែពិសាខ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៩ ខែឧសភា ឆ្នាំ២០២០ ។
ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង និងលោកអភិបាលរងសៀម ប៊ុន រិទ្ធ បានប្រគល់អំណោយជា អង្ករ និងសាប៊ូ ដែលជាអំណោយដ៏ថ្លៃថ្លារបស់ សម្ដេចក្រឡាហោម សខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ត្រូវបានប្រគល់ជូន ទៅដល់ក្រុមគ្រួសារក្រីក្រចំនួន៣០គ្រួសារ ដែលកំពុងជួបវិបត្តិភាពរាំងស្ងួតដូចជាក្នុងកំឡុងពេលនៃការផ្ទុះរីករាលដាលនៃជម្ងឺកូវីឌ-១៩ ស្ថិតក្នុងវត្តបញ្ញាភូមិ បញ្ញា ឃុំ កំពង់ព្រះ ស្រុកសង្កែខេត្តបាត់ដំបង។
ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបង បានមានប្រសាសន៍ផ្ដាំផ្ញើសួរសុខទុក្ខដល់បងប្អូនប្រជាពលរដ្ឋឲ្យនៅតែរក្សាអនាម័យជាប់ជានិច្ចពីព្រោះបច្ចុប្បន្នការរីករាលដាលនូវជម្ងឺកូវីឌ-១៩នៅតែបន្តកើនឡើងឥតឈប់ឈរ ដែលយើងនៅតែមិនត្រូវធ្វេសប្រហែសនឹងបញ្ហានេះឡើយ។
ឆ្លៀតក្នុងឱកាសនោះ ឯកឧត្តម អភិបាលខេត្តបាត់ដំបង បានណែនាំដល់បងប្អូនប្រជាពលរដ្ឋដែលនៅខាងលើទឹកសុំរក្សាទឹកទុកដើម្បីធ្វើស្រែប្រាំងហើយក៏សូមបើកទឹកខាងលើមកឲ្យប្រជាពលរដ្ឋដែលធ្វើស្រែនៅខាងក្រោមចែកចាយទឹកឲ្យបានស្មើគ្នាក្នុងភាពកំពុងតែជួបការរាំងស្ងួតនេះផង។
ហើយនៅក្នុងឱកាសនោះក៏មានការផ្ដាំផ្ញើដល់បងប្អូនប្រជាពលរដ្ឋតែរស់នៅឃុំកំពង់ព្រះដូចជាបងប្អូនទាំងអស់សូមគោរពច្បាប់ចរាចរណ៍ទាំងអស់គ្នាដើម្បីការពារអាយុជីវិតរបស់យើងឲ្យចូលរួមក្នុងការគោរពច្បាប់ចរាចរណ៍ និងសូមកុំមានការខឹងសម្បានឹងច្បាប់ថ្មីនេះ ពីព្រោះដើម្បីបងប្អូនប្រជាពលរដ្ឋគោរពច្បាប់ចរាចរណ៍ផ្ដល់សុខសុវត្ថិភាពដល់បងប្អូនប្រជាពលរដ្ឋក្នុងការធ្វើដំណើរទៅណាមកណា និងជាពិសេសកាត់បន្ថយអត្រាគ្រោះថ្នាក់ចរាចរណ៍ ការរបួស និងការស្លាប់ដោយសារគ្រោះថ្នាក់ចរាចរណ៍៕
