បាត់ដំបង ៖ បុរសសង្ស័យ២នាក់ និងថ្នាំញៀនម៉ាទឹកកក ចំនួន ៣ ថង់ ស្មើទំងន់៦,២៨ក្រាមត្រូវ កម្លាំងនគរបាលការិយាល័យប្រឆាំងគ្រឿងញៀនបញ្ជូនបញ្ជូនទៅតុលាកានារសៀល ថ្ងៃទី២៦ខែមករាឆ្នាំ២០១៦ចាត់ការតាមនិតិវិធី។
ជនសង្ស័យទាំង ២ នាក់ត្រូវនគរបាលឃាតើខ្លួនកាលម៉ោង១៤និង៣០នាទីរសៀលថ្ងៃទី២៥ខែ មករាឆ្នាំ២០១៦នៅចំណុចក្រុមទី២៧ ភូមិបោះពោធិឃុំអូរដំបងស្រុក សង្កែ ខេត្តបាត់ដំបង។
ក្នុងកិចប្រតិបត្តិការ បង្ក្រាបបទល្មើសជាក់ស្តែង មានការចង្អុលបង្ហាញពីលោក សថេត ស្នងការនគរបាលខេត្តបាត់ដំបង កម្លាំងសមត្ថកិច្ចដឹកនាំដោយលោក វ/ត្រី សុខ និមល នាយរងការិយាល័យគ្រឿងញៀន ចាប់ឃាត់ខ្លួនជនសង្ស័យចំនួន២នាក់ មាន៖
-ឈ្មោះ យ៉ែម ស៊ីធុល ប្រុស អាយុ៣២ឆ្នាំ មានទីលំនៅក្រុមទី២៧ភូមិបោះពោធិ៏ ឃុំ អូរដំបង១ ស្រុក សង្កែ ខេត្តបាត់ដំបង។
-ឈ្មោះ ឈុំ សុ គុណ ភេទ ប្រុស អាយុ២០ឆ្នាំ មានទីលំនៅក្រុមទី២៧ភូមិបោះពោធិ៏ ឃុំ អូរដំបង១ ស្រុក សង្កែ ខេត្តបាត់ដំបង។
ចំពោះវត្ថុតាង មាន ថ្នាំញៀនប្រភេទមេតំហ្វេតាមិន(ICE)ម៉ាទឹកកកចំនួន៣កូនថង់ទម្ងន់៦,២៨ក្រាម។
ថងសំរាប់ដាក់ថ្នាំញៀនលក់ចំនួន៣៨ កូនថង់, ដបកែច្នៃសំរាប់ជក់ចំនួន១ និងដែកកេះ ចំនួន១៥ និងបំពងទុយយោ១ដុំ សម្បកទែមោម៉ែត្រចំនួន១ ទូរសព្វដៃ ចំនួន១គ្រឿង, កាំភ្លើង ខ្យល់កែច្នៃ ចំនួន២ដើមនិងគ្រាប់កង់មួយចំនួន ៕
