មណ្ឌលគិរី ៖ វគ្គបណ្តុះបណ្តាលនិតិវិធីប្រតិបត្តិការក្រមសីលធម៌របស់មន្ត្រីនគរបាលចរាចរណ៍ផ្លូវគោក ដែលបានធ្វើឡើងនៅព្រឹកថ្ងៃទី៣៥ ខែមករា ឆ្នាំ២០១៦ នៅក្នុងស្នងការដ្ឋាននគរបាលខេត្តមណ្ឌលគិរី ក្រោមវត្តមានរបស់លោក ឧត្តមសេនីយ៏ត្រី តូច យ៉ុន ស្នងការនគរបាលខេត្តមណ្ឌលគិរី និង លោក ឡុង ធូ អនុប្រធាននាយកដ្ឋាននគរបាលចរាចរណ៏ និង សណ្តាប់ធ្នាប់សាធារណ: នៃអគ្គស្នងការនគរបាលជាតិ និងមានសិក្ខាកាមចូលរួមចំនួន៣៣រូបជាមន្ត្រីនគរបាលចរាចរណ៏។
ក្នុងឱកាសនេះដែរ លោកឧត្តមសេនីត្រីយ៏ តូច យ៉ុន ស្នងការនគរបាលខេត្តបានមានប្រសាសន៏ថា ក្នុងរយ:ពេលជិត៣សប្តាហ៏កន្លងទៅនេះ ក្រុមមន្ត្រីចរាចរណ៍បានចុះអនុវត្តន៍ច្បាប់ចរាចរណ៍ផ្លូវគោក និងបានឃាត់យានយន្ត ដែលប្រពឹត្តខុសច្បាប់ជាច្រើនករណី។ លោកបានលើកឡើងបន្តអំពីបញ្ហានៅលើដងផ្លូវមានច្រើននៅក្នុងនោះ មានការប្រកាន់់ឥរិយាបទ ការបើកបរខ្វះស្មារតី មិនគោរពយោគយល់ អធ្យាស្រ័យគ្នា នៅតាមដងផ្លូវខ្វះឧបករណ៏តាមដាន និង សុវត្តិភាពគ្រប់គ្រាន់ ហើយក៏មានរថយន្តមួយចំនួនមិនមាន លក្ខណ:ត្រឹមត្រូវ ទៅតាមបច្ចេកទេសផងដែរ ការបើកបរក្នុងល្បឿនហួសកំណត់ បញ្ហាសមត្ថភាពយល់ដឹងរបស់មន្ត្រី
នគរបាលមួយចំនួននៅមានកំរិតព្រមទាំងកង្វះជំនាញ និងបទពិសោធន៏ក្នុងការចុះអនុវត្តន៏ច្បាប់ចរាចរណ៏ ខ្វះការចូលរួមសហការពីប្រជាពលរដ្ឋគ្រប់មជ្ឈដ្ឋាន ។ ជាពិសេសបងប្អូនជនជាតិភាគតិចធ្វើដំណើរនៅមិនទាន់យលដឹងពី
ច្បាប់ចរាចរណ៏ថ្មីនៅឡើយ បញ្ហាការបើកបរក្រោមជាតិស្រវឹងនៅតែបន្តកើតមាន ។
លោកឧត្តមសេនីយ៏ត្រី តូច យ៉ុន មានប្រសាសន៏បន្តថា ដើម្បីអោយមានការអនុវត្តន៍ច្បាប់ចរាចរណ៍ផ្លូវគោកថ្មីអោយមានប្រសិទ្ធភាពខ្ពស់ លោកសូមសំណូមពរដល់មន្ត្រីជំនាញទាំងអស់អោយគោរព និង អនុវត្តន៏តាមបទបញ្ជារបស់ថ្នាក់លើ ។ ក្រោយមានការធ្វើបទបង្ហាញស្តីអំពីនីតិវិប្រតិបត្តិការក្រមសីលធម៏របស់មន្ត្រីនគរបាលចរាចរណ៏ផ្លូវគោកមក ក៏មានការចុះអនុវត្តន៏ផ្ទាល់ពីច្បាប់នីតិប្រតិបត្តិការតាមដងផ្លូវស្ថិតនៅត្រង់ចំណុចរង្វង់មូលគោព្រៃ ហើយមន្ត្រីនគរបាលក៏បានធ្វើការណែនាំដល់
ប្រជាពលរដ្ឋដែលនៅមិនទាន់យល់ច្បាសអំពីច្បាប់ចរាចរណ៏ផ្លូវគោកថ្មីអោយបានយល់កាន់តែច្បាស់ផងដែរ ៕
ដោយ ៖ ហេង ចាន់ណុប
