កំពង់ចាម ៖ កាលពីថ្ងៃទី ២៥ មករា ២០១៦ វេលាម៉ោង ០៣ នាទីទៀបភ្លឺ នៅចំណុចផ្លូវកែងចំការកៅស៊ូ មុខរោងចក្រ អ៊ុច អេង ស្ថិតក្នុងភូមិអូតាសេក ឃុំអូរម្លូ ស្រុកស្ទឹងត្រង់ មានករណីរំលោភកើតឡើង ប្រព្រឹត្តដោយជនសង្ស័យឈ្មោះ ភន ភឿន ភេទប្រុស ៣០ ឆ្នាំជាតិខ្មែរ មានទីលំនៅភូមិខ្ទួយ ៣ ឃុំអូរម្លូ ស្រុកស្ទឹងត្រង់ បានចាប់រំលោភប្អូនថ្លៃរបស់ខ្លួន និងចាក់ដោយពន្លាកត្រូវចំដោះ ។
ជនរងគ្រោះ ឈ្មោះ វឿន ធារី ភេទស្រីអាយុ ១៦ ឆ្នាំមានទីលំនៅភូមិភ្នំគោល ឃុំបឹងល្វា ស្រុកសន្ទុក ខេត្តកំពង់ធំ បច្ចុប្បន្នស្នាក់នៅជាមួយបងស្រី និងបងថ្លៃ(ជនល្មើស)ជៀរជ័រ នៅចំណុចកើតហេតុខាងលើ ។
តាមសេចក្តីរាយការណ៍ឲ្យដឹងថា នៅពេលដែលទៀបភ្លឺឈានចូលថ្ងៃទី២៥ មករា ជនសង្ស័យនិងប្អូនថ្លៃស្រីបានជិះម៉ូតូ១គ្រឿងចេញពីផ្ទះ ដើម្បីទៅចៀរជ័រកៅស៊ូ ខណៈពេលដែលជិះដល់ត្រង់ចំណុចផ្លូវកែងរោងចក្រកៅស៊ូខាងលើ ស្រាប់តែបងថ្លៃបែរជាចាប់រំលោភប្អូនថ្លៃស្រី ហើយថែមទាំងចាក់១ពន្លាកត្រង់ដោះបណ្ដាលឲ្យរងរបួសធ្ងន់ថែមទៀតផង ។
បច្ចុប្បន្ន ជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យឯភ្នំពេញ ។ ចំណែកជនសង្ស័យបានគេចខ្លួនបាត់ ។
សមត្ថកិច្ច កំពុងកសាងសំណុំរឿងតាមនិតិវិធី និងកំពុងស្វែងតាមចាប់ជនសង្ស័យ ៕
