ខេត្តប៉ៃលិន ៖ ប្រជាកសិកររស់នៅក្នុងខេត្តប៉ៃលិន១ចំនួនមិនខ្វល់ខ្វាយការមឺមដំឡូងមីមានការចុះធ្លាក់នៅតម្លៃយ៉ាងណាក៏ដោយមិនព្រួយ
បារម្ភបញ្ហាអាកាសធាតុរាំងស្ងួតខ្វះទឹកឡើយ ដោយសារពួកគាត់បានជ្រើសរើសពូជដើមដំឡូងមីល្អ ធន់នឹងអាកាសធាតុ ហើយថែមទាំងទទួលទិន្នផលខ្ពស់ថែមទៀតផង ។ ពោលគឺចាប់ពី៥៥ទៅ៦០តោន ក្នុង១ហិកតាបើដាំប៉ះចំដីមានជីវជាតិល្អអាចទទួលផលពី៦៥ទៅ៧០តោន ខណៈពូជដើមដំឡូងមីដទៃទៀតទទួលផលដាំបានមឺមត្រឹមតែ២៥ទៅ៣០តោន ក្នុង១ហិកតា។
តាមប្រជាកសិករ១ចំនួន ឈ្មោះប៊ុត កែវ ភេទប្រុស អាយុ៥២ឆ្នាំ ប្រពន្ធឈ្មោះឡុង ច្រូង អាយុ៤៦ឆ្នាំដែលមានដីចម្ការនៅចុងភូមិរស់នៅក្នុងភូមិអូរតាវ៉ៅ សង្កាត់អូរតាវ៉ៅ ក្រុងប៉ៃលិន បានឱ្យដឹងកាលពីរសៀលថ្ងៃទី២០ ខែមករា ឆ្នាំ២០១៥នេះថា កាលពីឆ្នាំ២០១៣ គាត់បានសុំពូជមឺមដំឡូងមីម្យ៉ាង ប្រភេទAM 089 ពីបុរសម្នាក់ ឈ្មោះ អ៊ុក ទូច ចំនួន២ដើម យកទៅដាំសាកមើល ស្រាប់តែទទួលបានទិន្នផលខ្ពស់ក្នុង១គុម្ព ដកបានជាង១០គីឡូក្រាម ទើបនៅឆ្នាំ២០១៤ ពួកគាត់យកដើមមកដាំជិតកន្លះហិកតា ពេលប្រមូលផលពួកគាត់យកទៅចិញ្ច្រាំហាលស្ងួតបានចំនួន១៧តោន ហើយនៅឆ្នាំ២០១៥នេះ គាត់ដាំរហូតដល់១២ហិកតា ហើយក្នុង១ហិកតាទទួលបានផលចាប់ពី៦៥ទៅ៧០តោន ទោះបីជារាំងស្ងួតយូរតែដំឡូងមីគាត់មិនងាប់នោះទេពោលគឺធន់នឹងកំដៅថ្ងៃ ដល់រដូវប្រមូលផល ។
តាមលោក ពៅ ហឿន អាយុ៥៥ឆ្នាំប្រពន្ធឈ្មោះ អ៊ុច ឯក អាយុ៥៣ឆ្នាំ បានឱ្យដឹងថា ឆ្នាំ២០១៣ គាត់សាកល្បងដាំពូជដំឡូងមីល្អនេះ ត្រឹមតែ១៥បាច់ប៉ុណ្ណោះ ព្រោះមិនទាន់ជឿជាក់ លុះទទួលផលខ្ពស់គាត់ដាំបន្ថែមនៅឆ្នាំ២០១៤ ចំនួនជាងកន្លះហិកតាដែរ ហើយទទួលផលចំនួន៣០តោន លុះនៅឆ្នាំ២០១៥នេះ គាត់បានដាំរហូតដល់១០ហិកតា ហើយពេលដកសាកមើលក្នុង១គុម្ពទទួលបានពី១៥ទៅ២០គីឡូក្រាមឯណោះ ។
រីឯប្រជាកសិករមួយក្រុមគ្រូសារទៀតដែលឈ្មោះជៀវ ជូរ ភេទប្រុសអាយុ៣៨ឆ្នាំ ប្រពន្ធឈ្មោះរស់ ខេរី អាយុ៣៧ឆ្នាំបានឱ្យដឹងថា ពួកគាត់ មានដីចម្ការចំនួន១៨ហិកតា បានដាំដើមដំឡូងមីចាប់ពីទិញពូជដំឡូង ពីឈ្មោះ អ៊ុក ទូច យកមកដាំនៅឆ្នាំ២០១៤ ដែលចំនួនដីដាំតែ១០ហិត្តទេបានទទួលផលមួយហិត្តប្រមូលផលបាន៦៥តោនទៅ៧០ដល់តោនឆ្នាំ២០១៥ដាំទីដីចំនួន១៨ហិត្តថែមទៀត បច្ចុប្បន៍កំពង់ប្រមូលផងបន្ត។
ចំណែកលោក អ៊ុក ទូច អាយុ៤២ឆ្នាំ ប្រពន្ធ ឈ្មោះ អ៊ុត ទឹម អាយុ៣៥ឆ្នាំ រស់នៅភូ មិអូររអិល ឃុំស្ទឹងកាច់ស្រុកសាលាក្រៅបានឱ្យដឹងថា ពូជដំឡូងមីល្អប្រភេទAM89នេះ ខាងលោកនាំយកមកពីមន្ទីរពិសោធមួយឈ្មោះស៊ីឃិវក្នុងប្រទេសថៃដោយលោកបានសាកល្បងដាំនៅឆ្នាំ២០១៣ត្រឹមតែ២០ហិកតា លុះទទួលបានទិន្នផលខ្ពស់ នៅឆ្នាំ២០១៤ ដាំចំនួន៤០ហិកតា រហូតដល់ឆ្នាំ២០១៥នេះ លោកដាំចំនួន៨០ហិកតា បើដីមិនសូវល្អ ទទួលផលពី៥៥ទៅ៦០តោន ក្នុង១ហិកតា ប៉ះចំកន្លែងដីល្អ ចាប់ពី៦៥ទៅ៧០តោនក្នុង១ហិកតា ។
ចំណែកអ្នកដែលដាំដើមដំឡូងមីពូជផ្សេងពីនេះនៅក្បែរដីចម្ការរបស់លោកដែរ ខណៈសុំម្ចាស់គេដកប្រៀបធៀបមើលទិន្នផលចំនួនពីរ ទៅបីគុម្ព ស្រាប់តែឃើញមានមើមខ្លីៗ ហើយមានទម្ងន់ប្រហែល៣ទៅ៤គីឡូក្រាម ក្នុង១គុម្ពប៉ុណ្ណោះ ដូច្នេះលោកសូមអំពាវនាវដល់កសិករទាំងអស់រស់នៅក្នុងខេត្តប៉ៃលិន ងាកបែរមកសាកល្បងដាំពូជដំឡូងមីល្អ ដែលលោកបាន ដាំនេះវិញ ដើម្បីទទួលបានទិន្នផលខ្ពស់ ហើយបើចង់បានពូជដំឡូងនេះសូមទាក់ទងទៅលេខទូរស័ព្ទ០៩៧៦៧៧៣១៣៨ ។
ទីបញ្ចប់ប្រជាកសិករសូមសំណូមពរដល់អភិបាលខេត្តប៉ៃលិនក៏ដូចប្រមុខរដ្ឋាភិបាលកម្ពុជា រកទីផ្សារដែលមានតម្លៃសំគួរផងទាន ៕
ដោយ ៖ ទូច អូរអិល
