ខេត្តកែប ៖ បើតាមសំដីពីមន្ត្រីក្រុមការងារខេត្ត បានកែលំអរផ្លូវថ្មីមួយខ្សែនៅក្នុងក្រុងកែប និងធ្វើផ្លូវថ្មីបន្ថេមយ៉ាងយកចិត្តទុក ដាក់បំផុតពីសំណាក់ឯកឧត្តម អភិបាលខេត្ត និងលោកប្រធានមន្ទីរសាធារណការ និងដឹកជញ្ជូនខេត្តកែប ព្រមទាំងអាជ្ញាធរ ទាំងអស់ក្នុងខេត្តទាំងមូល ។
ប្រភពបន្តឱ្យដឹងទៀតថា សមិទ្ធិផលរីករាលដាលពាសពេញខេត្តកែបទាំងអស់នេះ គឺបានមកពីការខិតខំប្រឹងប្រែង និងការចង្អុលបង្ហាញពីឯកឧត្តម អភិបាលខេត្ត ដែលបានរៀបចំឡើង ។ ជាក់ស្តែងដូចជា ផ្លូវមួយខ្សែនេះក្តី គេបានមើលឃើញ ពីសកម្មភាពរបស់មន្ទីរសាធារណការ និងដឹកជញ្ជូនខេត្តកែប ព្រមទាំងមន្ត្រីរាជការទាំងអស់ ចុះអនុវត្តទាំងព្រឹកល្ងាចយ៉ាង យកចិត្តទុកដាក់ទីបំផុត ។
លោក គង់ វុទ្ធី អនុប្រធាន មន្ទីរសាធារណការ និងដឹកជញ្ជូនខេត្តកែប បានប្រាប់ឱ្យដឹងបន្តទៀតថា ផ្លូវសេះសរ មួយខ្សែដែលមានប្រវែងឆ្ងាយ ហើយមានវិសាលភាពធំទូលាយនេះ គឺបានមកពីថ្នាក់ដឹកនាំខេត្តជាអ្នករៀបចំ និងស្ថាបនា ផ្លូវមួយខ្សែនេះ ឱ្យអស់ពីកម្លាំងកាយចិត្ត ដើម្បីស្ថាបនាកែលំអទាំងគុណភាព វិសាលភាពឱ្យមានគុណភាពយូរអង្វែង ៕
ដោយ ៖ សារ៉េត
