ខេត្តកណ្តាល ៖ នៅព្រឹកថ្ងៃទី២២ ខែមករា ឆ្នាំ ២០១៦ ឯកឧត្តម ម៉ក់ ពេជ្ជរិទ្ធ អគ្គនាយក នៃអគ្គនាយកដ្ឋានកាំកុងត្រូល និងជាអនុ ប្រធានទី១គណៈពង្រឹងមូលដ្ឋានស្រុកកៀន ស្វាយជាប្រធានគណៈពង្រឹងឃុំដីឥដ្ឋបានជួបសំណេះសំណាលជាមួយ ប្រជាពលរដ្ឋ នៅក្នុងភូមិដីឥដ្ឋកោះផុស ឃុំដីឥដ្ឋ ស្រុកកៀនស្វាយ ហើយបានសំណេះសំណាល ផ្តាំផ្ញើដូច្នេះថា កន្លងមកលោកតែងតែ ទទួលបានព័ត៌មានថា មានប្រជាពលរដ្ឋមួយចំនួនបានយកសៀវភៅគ្រួសារ និង អត្តសញ្ញាណប័ណ្ណទៅបញ្ចាំតែប្រាប់លោក ថា បាត់ក៏ពឹងពាក់ឯកឧត្តមឱ្យជួយអន្តរាគមន៍ទៅសមត្ថកិច្ចដើម្បីធ្វើថ្មីឡើងវិញ។
ឯកឧត្តម សូមបញ្ជាក់ពីបញ្ហាយកសៀវភៅគ្រួសារនិងអត្តសញ្ញាណប័ណ្ណទៅបញ្ចាំ ឯកសារគតិយុត្តិដ៏សំខាន់ប្រចាំគ្រួសារនីមួយៗ ប៉ុន្តែមាន គ្រួសារខ្លះមិនបានគិតដល់បែរជាយក ឯកសារទាំង២នេះទៅដាក់បញ្ចាំជាថ្នូរ នឹងទឹកប្រាក់បន្តិចបន្តួចដើម្បីដោះទាល់ នៅក្នុងជីវភាពប្រចាំថ្ងៃដែលបញ្ហានេះ បានកើតឡើងរួចមកហើយនិងជារឿយៗនៅទូទាំងប្រទេស។
បញ្ហានេះឯកឧត្តម បានជួយអន្តរាគមន៍ ទៅតាមសំណូមពររបស់ប្រជាពលរដ្ឋចុង ក្រោយទើបដឹងថា ឯកសារទាំង២នេះពួក គាត់យកទៅបញ្ចាំមិនមែនបាត់នោះទេ។
ឯកឧត្តម ប្រធានគណៈពង្រឹងឃុំបន្តថា លោកសូមអំពាវនាវដល់ប្រជាពលរដ្ឋកុំយកសៀវភៅគ្រួសារនិងអត្តសញ្ញាណ ប័ណ្ណទៅដាក់បញ្ចាំអីព្រោះឯកសារទាំង២ នេះមានសារសំខាន់ណាស់ទោះបីជាជួបនូវបញ្ហាលំបាកយយ៉ាងណាគួរតែរក វិធី ដោះស្រាយផ្សេងឬមួយទំនាក់ទំនងជាមួយ ក្រុមការងារដែលចុះជួយមូលដ្ឋានរបស់បងប្អូនក្រុមការងារនឹងដោះស្រាយ ជូន ទៅតាមលទ្ធភាពជាក់ស្តែង ។ ដោយ ឡែកអ្នកដែលរកស៊ីទទួលបញ្ចាំគួរតែ បញ្ឈប់ការទទួលយកសៀវភៅគ្រួសារ និងអត្តសញ្ញាណប័ណ្ណផងដែរហើយត្រូវ ពន្យល់ទៅម្ចាស់ឯកសារទាំងពីរនេះវិញ ។
ឯកឧត្តម ប្រធានគណៈពង្រឹងឃុំបានបន្ត ទៀតថា បើបងប្អូនជួបនូវបញ្ហាអ្វីមួយ ត្រូវទំនាក់ទំនងជាមួយមេភូមិ-មេឃុំ ដើម្បីមានវិធានការដោះស្រាយ។ ចំពោះ មេភូមិមេឃុំត្រូវតាំងខ្លួនថា ជាអ្នក បម្រើប្រជាពលរដ្ឋចុះសួរសុខទុក្ខ និង សំណេះសំណាលជាប្រចាំដើម្បីបង្កើននូវភាពជិតស្និទ្ធ។ អ្វីដែលត្រូវធ្វើបន្តនោះ គឺសំណូមពររបស់ប្រជាពលរដ្ឋដែលស្នើដល់ អាជ្ញាធរនិងក្រុមការងារឱ្យ ជួយដោះស្រាយដូច្នេះយើងត្រូវរួមគ្នារកវិធីដោះ ស្រាយជូនពួកគាត់ឱ្យអស់លទ្ធភាព ។
ក្នុងឱកាសនោះដែរ ឯកឧត្តម ម៉ក់ ពេជ្ជរិទ្ធ បានចែកអំណោយដល់ប្រជាពលរដ្ឋនូវកន្សែងពោះគោ ខោចែវ នំប៉័ងម្នាក់មួយៗ និងឧបត្ថម្ភសម្លៀក បំពាក់ដល់កម្លាំងប្រជាការពារចំនួន ៥៥កំប្លេ ហើយឯកឧត្តម បានសន្យាថា នឹងដោះស្រាយ សំណូមពរ ជូនប្រជាពលរដ្ឋមួយដំណាក់កាលៗ ៕
