(ខេត្តកែប)៖ នៅរសៀលថ្ងៃទី១០ ខែមីនា ឆ្នាំ២០២០ ស្នងការនគរបាលខេត្តកែប បានរៀបចំពិធីប្រកាសផ្ទេរភារកិច្ច និងតែងតាំងមុខតំណែង និងប្រគល់បណ្ណសរសេីរ ជូនមន្ត្រីនគរបាលខេត្តកែប ចំនួន២៩រូប បំពាក់ឋានន្តរស័ក្កិចំនួន ១៨រូប និងប្រគល់ប័ណ្ណសរសើរចំនួន ២៥៦ រូប ក្រោមអធិបតីភាព ឯកឧត្តម នាយឧត្តមសេនីយ៍ ប៉ែន វិបុល អគ្គស្នងការរង និងជាប្រធាននាយកដ្ឋានបុគ្គលិកនៃក្រសួងមហាផ្ទៃ តំណាងដ៍ខ្ពង់ខ្ពស់ ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និង លោក ព្រុំ គន្ធិ អភិបាលរងខេត្ត តំណាងដ៏ខ្ពង់ខ្ពស់ លោក កែន សត្ថា អភិបាលខេត្តកែប ព្រមទាំងមានការអញ្ជើញចូលរួមពី លោក ឧត្តមសេនីយ៍ វរៈសេនីយ៍ប្រតិភូអមដំណើរ លោកប្រធានសាលាដំបូងខេត្តកំពត កែបលោកព្រះរាជអាជ្ញារង លោកឧត្តមសេនីយ៍ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការតំបន់ប្រតិបត្ត នាយការិយាល័យ អធិការក្រុង ស្រុក និងមន្ទីរពាក់ព័ន្ធជាច្រេីនរូប ។
ក្នុងពិធីបំពាក់ឋានន្តរស័ក្តិនេះ ឯកឧត្តមនាយឧត្តមសេនីយ៍ ប៉ែន វិបុល បានលេីកទឹកចិត្ត និងកោតសរសើរដល់ការខិតខំប្រឹងប្រែងអនុវត្តការងារបានល្អប្រសើរនាពេលកន្លងមក ហើយឯកឧត្តម ក៏បានសំណូមពរដល់កងកម្លាំងនគរបាលគ្រប់ជាន់ថ្នាក់ ពិសេសប៉ុស្តិ៍នគរបាលរដ្ឋបាល ត្រូវចូលរួមការពារសុខសន្តិភាព ត្រូវមានឥរិយាបទទន់ភ្លន់ជាមួយប្រជាពលរដ្ឋ ផ្តល់សេវាប្រជាពលរដ្ឋឱ្យបានទាន់ពេលវេលា និងត្រូវបន្តការអនុវត្តគោលនយោបាយភូមិ-ឃុំ មានសុវត្ថិភាព បន្ថែមពីនេះត្រូវគោរពឱ្យបានមុឺងម៉ាត់ វិន័យរបស់កងកម្លាំងនគរបាលជាតិ ដើម្បីក្លាយខ្លួនជាមន្ត្រីគំរូ មាន របៀបរបបការងារល្អ ឆ្លើយតបបានសំណូមពរការងារបច្ចុប្បន្ននេះផងដែរ៕ សេង ណារិទ្ធ
